Unordered List

ဘ၀မုန်တိုင်းဒဏ်

အပျိုစင်မဂ္ဂဇင်အောက်တိုဘာလ၊ ၂၀၁၂.

အလွမ်းပွင့်ဝေတက္ကသိုလ်မြေ

မာနရဲ့နောက်ဆက်တွဲ ရလာဒ်က နာကျင်ကြေကွဲမှုတွေပဲဆိုတာ နောင်တတွေ တပွေ့တပိုက်နဲ့ ငါနားလည်ခဲ့ရပြီ မဟော်ရယ်.

ဥက္ကဌရွေးပွဲ

ရယ်စရာမဂ္ဂဇင်း၊ မေလ ၊ ၂၀၁၃.

အမှောင်မြစ်ရဲ့ဝဲဂယက်

တောသူတောင်သားတွေရဲ့ဦးနှောက်မှာ အသိပညာဗဟုသုတတွေ နေမင်းကြီးလိုမလင်းနိုင်ရင် တောင်မှ ကြယ်ကလေးတွေလောက်တော့လင်းနိုင် အောင် မိချော ကြိုးစားရမယ်.

အိပ်တန်းပြန်ငှက်ကလေးများ

အညွန့်တလူလူတက်နေသည့်ဘဝကလေးတွေ ဒီလိုအမှာင်မြစ်ရဲ့ဝဲဂယက်ထဲမှာ သားကောင်ဖြစ်ခဲ့ရတာ ဘယ်လောက်တောင်များရှိနေခဲ့ပြီလဲ.

Monday, May 27, 2013

ဘ၀မုန်တိုင်းဒဏ်

(၁)


ကျွန်မက ဆင်းရဲတယ်။ ဆင်းရဲတာမှ အရမ်းကိုဆင်းရဲတာ။ ဆင်းရဲပြိုင်ပွဲတွေကျင်းပရင် ကျွန်မတို့ မိသားစုက နှစ်တိုင်း
ပထမရမှာသေချာတယ်။ ဆင်းရဲဆို မိသားစုကလည်း ပြွတ်သိပ်နေတာကိုး။ ကျွန်မမှာ မောင်နှမ ရှစ်ယောက်ရှိတယ်။
ကျွန်မက အကြီးဆုံး။ ကျန်တာကဘာမှနားမလည်သေးတဲ့ ဘုစုခရုလေးတွေလေ။ ကျွန်မအသက်တောင် နှစ်ဆယ်
ပြည့် တာမကြာသေးဘူး။


အမေက အကြော်ရောင်းတယ်။ ရောင်းလို့ရတဲ့ပိုက်ဆံက မိသားစုစားမလောက်လို့ မနက်ပိုင်းဆိုရင် ရပ်ကွက်တကာ
လှည့်ပြီး ဟင်းရွက်စုံရောင်းရသေးတယ်။ ဒါတောင် တစ်လပြည့်ရင်အိမ်စရိတ်မလောက်သေးဘူး။ အိမ်က ကိုယ်ပိုင်
အိမ်မှ မဟုတ်တာ။ အိမ်ငှားခတောင် ရှစ်ထောင်ပေးရတယ်။ ဒါတောင် အိမ်ကောင်းကောင်းမဟုတ်သေးဘူးနော်။


ကျွန်မက ဦးမြဇံရဲ့ပွဲရုံမှာအလုပ်လုပ်တယ်။ ကျောင်းကလည်း ခြောက်တန်းအထိပဲနေရတာဆိုတော့ နေရာကောင်း
ဘယ်ရမလဲ။ ခိုင်းတာလုပ်ရုံပေါ့။ ပိုက်ဆံရရင်ပြီးရော။ သားအမိနှစ်ယောက်လုံး အလုပ်လုပ်နေတာတောင် ထမင်းက
နပ်မမှန်ချင်ဘူး။


အဲဒီမှာအမေက အားကိုးအားထားဆိုပြီးနောက်အိမ်ထောင်ပြုရော။ အမေ့နောက်ယောကျာ်းက ဆိုက္ကားသမား
 ဦးထွန်းတင်လေ။ သားသုံးယောက်ပိုင်တဲ့ မုဆိုးဖို။ နှုတ်ခမ်းပဲ့ချင်း မီးမှုတ်တာလေ။ ကိုယ့်မိသားတစ်စုတည်း
ဆင်းရဲတွင်း တူးတာအားမရလို့ အဖော်ရှာတာပေါ့။


 ပြောတော့သာ အားကိုးရှာတာတဲ့။ အခုတော့ ဦးထွန်းတင်နဲ့သားသုံးကောင် အိမ်ပေါ်ရောက်လာပြီ။ ဦးထွန်းတင်က
 အရက်လေးတမြမြနဲ့။ သူ့သားသုံးကောင်ကလည်း မျောက်နဲ့ရထားသလားအောက်မေ့ရတယ်။ ညနေအလုပ်ပြန်
လို့ အိမ်ကိုရောက်ရင် ခေါင်းကိုမူးနောက်နေရော။ညအိပ်တဲ့အချိန်ဆိုပိုဆိုးသေးတယ်။ ဟိုဘက်ဒီဘက် လှည့်လို့မရ
ဘူးလေ။ အိမ်ရှေ့ကနေ အိပ်နောက်ထိ တန်းစီထားလိုက်တာ ရထားတွဲကြီးကျနေတာပဲ။ သဘောင်္သီးထဲက အစေ့
ကလေးတွေ ဘဝကမှ သက်တောင့်သက်သာရှိဦးမယ်။ တစ်ခါတစ်လေများ လူတောင်မဖြစ်ချင်တော့တဲ့အထိပဲ။


အခုဆို အမေနဲ့ကျွန်မရဲ့လုပ်စာနဲ့ ထမင်းနပ်မှန်အောင်မနည်းဟဲနေရတယ်။ ဦးထွန်းတင် ဆိုက္ကားနင်းလို့ရတဲ့ပိုက်ဆံ
ကလည်း သူသောက်တဲ့အရက်ဖိုးနဲ့တင်ကုန်ရော။ အမေအားကိုးရှာကောင်းလိုက်ပုံများ အပူထုပ်ကြီးရွက်ထားရတဲ့
အထိပဲ။  အမေလည်း မှားမှန်းသိသွားတော့ ဦထွန်းတင်ကို ကောင်းကောင်းမဆက်ဆံတော့ဘူး။ အမြဲတကျက်ကျက်
ရန်ဖြစ်နေရောပဲ။ တစ်ခါတစ်ခါရန်ဖြစ်ရင် ဆယ်အိမ်ကြား ကိုးအိမ်ကြားပဲ။ အမေတို့ကိုကြည့်ပြီး အိမ်ထောင်ဆိုတာကို
တစ္ဆေ တစ်ကောင်လိုကြောက်ရွံ့မိတယ်။


ကျွန်မက ဘဝမလှပေမဲ့ ရုပ်ရည်လေးတော့လှတယ်ဆိုရမယ်။ ကျွန်မကို မြင်တဲ့ယောကျာ်းတိုင်း နောက်တစ်ခါမကြည့်ပဲ
မနေနိုင်ကြဘူး။ ဒါပေမဲ့ ကျွန်မရဲ့ဘဝကိုသိတော့လည်း ဝေးဝေးရှောင်သွားကြတော့တာပဲ။ သူတို့က ပြောကြတယ်။
လှတာမက်ရင် ညစာခက်တတ်တယ်တဲ့လေ။ အမေကတော့ ကျွန်မရဲ့လှပတဲ့ရူပါကိုကြည့်ပြီး ကြံကြံဖန်ဖန် ဂုဏ်ယူ
တတ်သေးတယ်။


“ မိန်းမတစ်ယောက်ရဲ့အလှဆိုတာ ဓနပဲ၊ ဒီရပ်ကွက်ထဲကကောင်တွေကို လှည့်တောင်မကြည့်နဲ့၊ ဒီရုပ်ရည်နဲ့ သူတို့
ထက်သာတဲ့သူဌေးတစ်ယောက်ကိုယူလို့ရတယ်၊ ကိုထွန်းတင်လို ငမူးငရူးတွေကိုစိတ်ကူးထဲတောင်မထည့်နဲ့ ကြား
လား ” 


“ မင်း စကားပြောတာဆင်ချင်စမ်း မိထွေးရီ၊ အစကတော့ ငါမယူရင် သေတော့မလိုလိုနဲ့ ” 


အမေ ပြောတဲ့စကားကို ဦးထွန်းတင်ကြားတော့ ပြန်အော်တယ်။ အမေကလည်း မျက်စောင်းတဝင့်ဝင့်နဲ့ ပါးစပ်ကနေ
 တတွတ်တွတ်ရွတ်တော့တယ်။


“ အစကတော့အားကိုးရမလားလို့ပေါ့၊ အခုတော့ ဘယ်အချိန်အန်ဖတ်ဆို့သေမလဲမသိတဲ့သူကို အိမ်ပေါ်ခေါ်တင် ထား
သလိုဖြစ်နေပြီ” 


“  ငါလည်းရသလောက်ပေးနေတာပဲလေ၊ မင်းလိုသားသမီးတစ်ပြုံတစ်မနဲ့ဒုက္ခသည်ကို ငါယူတာပဲကံကောင်း  ”  

    
“ ရှင့်အတွက်ကံကောင်းပေမယ့် ကျွန်မအတွက်မကောင်းဘူးတော်ရေ၊ တစ်နေကုန် သောက်စားမူးရူးနေပြီး ရသမျှ
အပ်သလေး ဘာလေးနဲ့၊ အလကား ဆန်ကုန်မြေလေး ” 


အမေတို့ရန်ဖြစ်တာ ကျွန်မအတွက်မဆန်းတော့ဘူး။ အဲဒါတွေက ဒီအိမ်ရဲ့ဓလေ့တစ်ခုလိုဖြစ်နေပြီလေ။ ကျွန်မ အတွက်
တော့ ရှက်ရပေါင်းများလွန်းလို့ အရေခွံတောင်ထူနေခဲ့ပြီ။ တစ်ခါတစ်လေများ ကံကြမ္မာဆိုတာကို ခေါ်ပြီးမေးကြည့်ချင်
တယ်။ ကျွန်မကိုဘာကြောင့်များ ဒီဇာတ်ကိုကစေရ သလဲလို့ပေါ့။ အမေ့ကိုတော့ မေးကြည့်ဖြစ်ပါတယ်။ အမေက ရိုးရိုး
ရှင်းရှင်းပဲဖြေတယ်။


“ ကံဆိုးလို့ပေါ့ဟယ် ”  တဲ့။


(၂)


ကံဆိုတာများ ကျွန်မတို့အပေါ်မှာပဲ ကွက်ပြီးဆိုးနေသလားအောက်မေ့ရတယ်။ နေပူမရှောင် မိုးရွာမရှောင် အလုပ်လုပ်
ရတဲ့ အမေ အိပ်ယာထဲလဲနေပြီလေ။ ဒီတော့ ဒုက္ခအိုးကို ကျွန်မတစ်ယောက်တည်းရွက်ရတော့တာပေါ့။ မိသားစုတစ်ပြုံ
လုံးကို ကျွန်မတစ်ယောက်တည်းတာဝန်ယူရတာ လွယ်တဲ့ကိစ္စမှမဟုတ်တာ။ ဒီတော့ အသက် ငယ်ငယ်နဲ့ ကျွန်မဆံပင်
တွေ ဖြူချင်နေပြီ။


“ ဘဝဆိုတာများ နေပျော်စရာတောင်မရှိပါလားအမေရယ်၊ ညိုတော့ ဒီဘဝဆိုးကြီးကိုအရမ်းစိတ်နာတာပဲ ” 


အမေ့ကိုဆေးတိုက်ရင်းနဲ့ ညည်းညူမိတယ်။ အမေကတော့ အရောင်ဖျော့နေတဲ့မျက်ဝန်းတွေနဲ့ ကြည့်ပြီး လှမ်းပြော
တယ်။


“ ကိုယ့်ဘဝကိုစိတ်နာမနေနဲ့ မိညို၊ ညည်းစိတ်နာရမှာက ငွေကိုပဲ၊ ငွေမရှိလို့ ဒီလိုဖြစ်ရတာ၊ ငွေရှိရင်လူရာဝင်တယ်၊
ဒီတော့ ငွေကိုကြိုးစားပြီးရှာ၊ ငွေကအရေးကြီးဆုံးပဲ၊ အဲဒါ မြဲမြဲမှတ်ထား ” 


အမေ့စကားက ကျွန်မခေါင်းထဲမှာ သံမှိုနဲ့ရိုက်သလို စွဲသွားတယ်။ ဟုတ်တယ်။ ကျွန်မတို့မှာငွေမရှိလို့ ဒုက္ခရောက်
 ရတာ။ ဒီတော့ ကျွန်မ ငွေရှာရမယ်။ ခက်တာက ငွေများများရအောင်ဘယ်လိုရှာရမလဲဆိုတာ ကျွန်မ မသိဘူး။
ကျွန်မက ပညာလည်းမတတ်ဘူးလေ။ ဒီတော့ ပညာနဲ့ရင်းပြီး ငွေရှာဖို့တော့လုံးဝမဖြစ်နိုင်ဘူး။ ဦးမြဇံရဲ့ပွဲရုံမှာ
လုပ်လို့ကလည်း တစ်ပဲခြောက်ပြားကနေတက်မှာ မဟုတ်ဘူး။ ကျွန်မက ရုပ်ရည်လေးတစ်ခုပဲပြည့်စုံတာလေ။
ဒီရုပ်ရည် ကလည်း ဘာသုံးစားရလို့လဲနော်။


တစ်ခါတစ်လေများ ချမ်းသာတဲ့သူဌေးတစ်ယောက်နဲ့တွေ့ပါစေလို့ စိတ်ကူးယဉ်မိတယ်။ စိတ်ကူးနဲ့ လက်တွေ့
 ခြားနားလိုက်ပုံများ သူဌေးဆိုတာ လမ်းမှားပြီးတောင်ရောက်မလာခဲ့ဘူး။ ဒီတော့ ကျွန်မလည်း ကံဆိုးမဘဝနဲ့
ဒုက္ခတောမှာ မျောပြီးရင်း မျောနေဆဲပဲပေါ့။


တစ်နေ့တော့ ကျွန်မမျှော်လင့်ထားတဲ့နေ့ကို ဆိုက်ဆိုက်မြိုက်မြိုက်ရောက်လာခဲ့တယ်။ မြို့ကနေလာတဲ့ ဦးထွဋ်ခေါင်
နဲ့တွေ့ခဲ့ရတယ်။ ဦးထွဋ်ခေါင်က ဒီမှာရှိတဲ့သူ့ရဲ့သစ်သီးခြံကိုလာတာတဲ့။ အဲဒီမှာ ဦးထွဋ်ခေါင်ရဲ့ကားနဲ့ ကျွန်မ
တိုက်မိခဲ့တာ ပေါ့။ တိုက်မိတဲ့ကားကိုပဲ ပြန်အားနာရလောက်အောင် ကားကြီးက တောက်ပြောင်နေတာပဲ။များများ
တော့ မထိခိုက်မိပါဘူး။ ကျွန်မ ခြေထောက်ပဲနည်းနည်းနာသွားတယ်။ ခြေတောက်နာနေတာကိုတောင် ကျွန်မ
ဂရုမစိုက်အားဘူး။ ဦးထွဋ်ခေါင် ဝတ်ထားတဲ့ ဆွဲကြိုးတွေ လက်စွပ်တွေကိုကြည့်နေမိလို့လေ။


“ ညီမလေး ဘယ်နားနာသွားသေးလဲ၊ ကိုကြီး ဘာကူညီပေးရမလဲ ” 


အသံက ချိုသာပေမယ့် ကျွန်မ နားထဲမှာ ကြားရတာတစ်မျိုးဖြစ်နေတယ်။ သူ့အသက်က ငါးဆယ်ကျော်လောက်
ရှိရောပေါ့။ ဒါနဲ့များ ကျွန်မကို ညီမလေးတဲ့။ သူ့ကိုယ်သူကျတော့ ကိုကြီးတဲ့။ ကျွန်မ ရယ်ချင်စိတ်ကို အတင်းမြိုသိပ်
ပြီး ပြော လိုက်ရတယ်။


“ ဟို ညို့ခြေထောက်နာနေတယ် ” 


 “ ခြေထောက်အဆစ်လွဲသွားလို့ထင်တယ်၊ ကဲ .. ကားပေါ်တက်၊ ကိုကြီး ဆေးခန်းလိုက်ပို့ပေးမယ်၊ ဒီမှာဆေးခန်း
ရှိတယ်မဟုတ်လား ” 


ကျွန်မ ခေါင်းညိတ်ပြလိုက်မိတယ်။ သူက ဆေးခန်းကိုလိုက်ပို့ပေးတယ်။ ပြီးတော့ အိမ်ကိုလိုက်ပို့ပေးတယ်။ အိမ်
ရောက်တော့ အမေနေမကောင်းမှန်းသိသွားပြီး ဆေးတွေဝယ်လာပေးတယ်။ ကျွန်မကိုလည်း ပိုက်ဆံတစ်ထပ်
ပေးသွား သေးတယ်။ အမေကတော့ နေမကောင်းတဲ့အကြားက ခပ်ယဲ့ယဲ့လေးပြုံးတယ်။ အမေ့ အပြုံးမှာ
အဓိပ္ပါယ်ပေါင်းစုံပျော်ဝင်နေတယ်။ ပြီးတော့ ကျွန်မကိုပြောသေးတယ်။


“ မိညို .. ညည်း ကံကောင်းစပြုလာပြီ ”  တဲ့။


“ ဘာကိုကံကောင်းတာလဲဟင်အမေ ” 


ကျွန်မ နားမလည်လို့မေးမိတော့ အမေက စိတ်မရှည်သလိုကြည့်တယ်။


“ ညည်း .. တော်တော်အပါလား မိညို၊ သူ ညည်းကိုကြည့်သွားတဲ့ပုံက မရိုးသားဘူးဟဲ့၊ သေချာတယ် .. သူ
ညည်းကိုစိတ်ဝင်စားနေတာပဲဖြစ်ရမယ် ” 


“ အမေကလည်း .. ဦးထွဋ်ခေါင်က ညိုထက်အသက်ကြီးတဲ့ဥစ္စာ ” 


“ အသက်ကြီးတာဘာဖြစ်လဲဟဲ့၊ ကြီးရင်မှီ ငယ်ရင်ချီတဲ့၊ အဓိကတော့ ငွေပဲ ” 


အမေကတော့ ငွေမှိုင်းမိနေပြီလေ။ ပါးစပ်ကထွက်သမျှ ငွေပဲဖြစ်နေတော့တယ်။ ဦးထွဋ်ခေါင်နဲ့ ကျွန်မက အသက်
ကွာလွန်းတယ်လေ။  ပြီးတော့ ဦးထွဋ်ခေါင်မှာ သားမယားမရှိဘူးလို့ပြောနိုင်လား။


“ ဦးထွဋ်ခေါင်မှာ မိန်းမတွေ သားတွေရှိမှာပေါ့ အမေရဲ့၊ စိတ်ကူးယဉ်မနေပါနဲ့တော့ အမေရယ် ” 


ကျွန်မရဲ့စကားကြားတော့ အမေ ခဏလေးငြိမ်သက်သွားတယ်။ တွေတွေလေးနဲ့ တစ်ခုခုကိုစဉ်းစားနေသလို
ပဲ။ အမေ့ မျက်ဝန်းတွေလည်း ဖျော့တော့ ရီဝေလို့။ ပြီးမှ ကျွန်မကို စိုက်ကြည့်ပြီး လှမ်းပြောတယ်။


“ ညည်းကလည်းအေ .. သူ့မှာ သားမယားရှိရင် ညည်းကိုဂရုစိုက်ပါ့မလားဟဲ့၊ မပြောကောင်းမဆိုကောင်း
သူ့မှာ အိမ်ထောင်ရှိခဲ့ရင်တော့ ခေါင်းထဲကထုတ်ပစ်လိုက်၊ ငါတို့ကဘဝမလှပေမယ့် သိက္ခာလှအောင်နေရ
မယ်၊ ဒါပေမဲ့ လူပျိုကြီး လည်းဖြစ်နိုင်တာပဲဟယ် ” 


အမေကတော့ မလျော့သောဇွဲနဲ့ပြောရှာတယ်။ ကျွန်မ ဘာမှပြန်မပြောတော့ပဲ ငြိမ်ပြီးနားထောင်နေလိုက်တော့
တယ်။ အသက်အရွယ်တွေထည့်မတွက်ရင် ဦးထွဋ်ခေါင်က ကျွန်မအတွက် အားကိုးစရာရွှေတောင်ကြီးပါ။
ဒါပေမဲ့ နှုတ်ခမ်းကသာ နာနေတာပါ။ မုန့်ဆီကြော်က ဘယ်ဆီမှာလဲမသိသေးဘူးလေ။


(၃)


ဦးထွဋ်ခေါင်က ကျွန်မ ဘဝအတွက်တော့ အားကိုးစရာရွှေတောင်ကြီးပါပဲ။ ကျွန်မတို့ လိုအပ်တာမှန်သမျှ
 ဖြည့်ဆည်းပေးတယ်။ ဦးထွဋ်ခေါင်ရဲ့ကျေးဇူးကြောင့် အမေလည်း နေကောင်းသွားပြီလေ။ အမေတော့
ဦးထွဋ်ခေါင် အကြောင်းပြောလို့တောင်မဆုံးဘူး။


“ ကျေးဇူးတင်လိုက်တာမောင်ထွဋ်ခေါင်ရယ်၊ ကျေးဇူးတွေများလွန်းလို့ ဘယ်လို ဆပ်ရမလဲတောင်မသိ
တော့ပါဘူးကွယ် ” 


“ ကျေးဇူးတင်ဖို့မလိုပါဘူး ဒေါ်ဒေါ်ရယ်၊ အခုလိုကူညီခွင့်ရတာကိုပဲ ကျွန်တော် ဝမ်းသာလှပါပြီ ”


ဦးထွဋ်ခေါင်ကပြောပြီး ကျွန်မဘက်ကိုဝေ့ဝဲကြည့်တယ်။ ကျွန်မ ရှက်ရွံ့စွာနဲ့မျက်နှာလွှဲလိုက်မိတယ်။
ဦးထွဋ်ခေါင် ကျွန်မကို စိတ်ဝင်စားနေတာ ကျွန်မ ရိပ်မိတယ်။ ပြီးတော့ ဦးထွဋ်ခေါင်က လူပျိုကြီးတဲ့။ 
အမေကတော့ သဘောအကျကြီး ကျလို့ပေါ့။


ဒီလိုနဲ့ ဦးထွဋ်ခေါင်နဲ့ ကျွန်မ နီးစပ်သွားတယ်။ ဦးထွဋ်ခေါင်က ကျွန်မကို ချစ်လိုက်တာများတုန်နေတာပဲ။
အမေ ပြောသလိုပေါ့။ ကြီးရင်မှီ ငယ်ရင်ချီလေ။ ပြီးတော့ ပြောသေးတယ်။ ဦးထွဋ်ခေါင်က ကျွန်မကို
လက်ထပ်ယူမှာတဲ့။


“ လက်မထပ်ခင် ဘာမှမလိုက်လျောမိစေနဲ့၊ ကိုယ်ကမိန်းကလေး ” 


အမေ့စကားကိုနားထောင်ပြီး ကျွန်မ အနေအထိုင်ဆင်ချင်ခဲ့ပါတယ်။ ပတ်ဝန်းကျင်ကတော့ ရှေ့တစ်မျိုး
ကွယ်ရာ တစ်မျိုးပြောနေကြတာပဲ။ အသက်ကြီးတဲ့သူဌေးကို အမိဖမ်းတာတဲ့။ ဘာပဲပြောပြော ကျွန်မ ဂရု
မစိုက်ပါဘူး။ ကျွန်မဘဝမှာ အိမ်ထောင်ရေးဆိုတာကို အချစ်နဲ့ဆုံးဖြတ်ခဲ့တာမှမဟုတ်တာ။ ဦးနှောက်နဲ့
ဆုံးဖြတ်ခဲ့တာလေ။


အဓိကတော့ ဦးထွဋ်ခေါင်က ချမ်းသာတယ်။ ပြီးတော့ လူပျိုလူလွတ်။ ဦးထွဋ်ခေါင်နဲ့ လက်ထပ်လိုက်ရင်
ကျွန်မတို့ ဆင်းရဲတွင်းကလွတ်မယ်။ ဒါပဲ။ ကျန်တာဘာမှထည့်စဉ်းစားမနေတော့ဘူး။ ပြီးတော့ ပြောသေး
တယ်။ လက်ထပ်ပြီးရင်နေဖို့ အိမ်တစ်ဆောင်ဝယ်ပေးမယ်တဲ့။ အမေတို့ကတော့ ပျော်နေကြတယ်။
အမေပျော်တော့ ကျွန်မလည်းပျော်တယ်။


ဒါပေမဲ့ လေပြည်သာနေတဲ့အချိန်မှာ မုန်တိုင်းဝင်တတ်တာ သဘာဝဆိုပေမယ့် ကျွန်မတို့အတွက် ထိချက်ပြင်း
 လှတာအမှန်ပဲ။ ဦးထွဋ်ခေါင်နဲ့ ကျွန်မတို့မင်္ဂလာကိစ္စဆွေးနွေးနေကြတုန်း အိမ်ရှေ့ကို ကားတစ်စီးထိုးရပ်လာ
တယ်။ ကားထဲက ဆင်းလာတဲ့မိန်းမကြီးရဲ့တစ်ကိုယ်လုံး စိန်ရောင် ရွှေရောင် တဖိတ်ဖိတ်တောက်နေတာပဲ။
 ဒါပေမဲ့ မိန်းမကြီးရဲ့ပါးစပ်က ထွက်လာတဲ့ စကားလုံးတွေက ကျွန်မတို့ကို တုန်လှုပ်သွားစေတာပဲ။


“ ဟဲ့ လင်ခိုးမ .. ညည်းတို့မှာ ယောကျာ်းဒီလောက်ရှားသလားဟင်၊ ငါ့ယောကျာ်းကိုမှ သူဌေးဆိုပြီးအပိုင်
ချိုင်လိုက် တာပေါ့လေ ” 


လင်ခိုးမ တဲ့။ ဘယ်လောက် ရိုင်းစိုင်းပြင်းထန်လိုက်တဲ့စကားလဲ။ အဲဒီစကားက ကျွန်မ ရင်ဝကိုခပ်ပြင်းပြင်းဝင်
ဆောင့်တယ်။ အသက်ရှူဖို့တောင် ကျွန်မ မေ့လျော့နေခဲ့တယ်။


“ ကဲဟယ် .. ဖြန်း .. ဖြန်း ”


အဲဒီအချိန်မှာ မထင်မှတ်တဲ့လုပ်ရပ်ကိုဝင်လုပ်လိုက်တာက အမေ။ မိန်းမကြီးရဲ့ပါးကို ဘယ်ပြန်ညာပြန်ရိုက်ပစ်
လိုက် တာများ ဖြန်းခနဲပဲ။ မိန်းမကြီးက အံ့သြချိန်တောင်မရလိုက်ပဲ ယိုင်ခနဲဖြစ်သွားတယ်။ ဦးထွဋ်ခေါင်က
 မိန်းမကြီးဆီပြေးသွားပြီး ဖက်ထားလိုက်တယ်။


“ ခင်ဗျား ဘာလုပ်တာလဲ၊ ဒါ ကျုပ် မိန်းမဗျ ” 


“ ဘာ .. နင်ပြောတော့ လူပျိုကြီးဆို၊ ကဲဟယ် .. ဖြန်း  ”


အမေ့ရဲ့ဘာဆိုတဲ့အသံနဲ့အတူ ဘယ်ပြန်ညာပြန်ရိုက်ချက်က ဖြန်းကနဲထွက်လာတယ်။ ဦးထွဋ်ခေါင် မျက်နှာကြီး
လည်ထွက်သွားတာပဲ။


“ တောက် .. ခင်ဗျားနော် ” 


ဦးထွဋ်ခေါင်က ဒေါသတကြီးအံကြိတ်တယ်။ အမေနဲ့ ကျွန်မကို တစ်ခါမှမမြင်ဖူးတဲ့ သူစိမ်းတစ်ယောက်လိုကြည့်
တယ်။ ဦးထွဋ်ခေါင်ကိုမြင်ရတာ ကျွန်မအတွက် နေလို မီးလို ပူလှတယ်။


“ ဒီမှာ ညည်းတို့အဆင့်အတန်းနဲ့ ကျုပ်တို့ကိုရိုက်ရဲတယ်၊ ညည်းတို့ကို တရားစွဲပြီး ထောင်ချပစ်မယ် ” 


မိန်းမကြီးက အော်ပြောတယ်။ အမေကတော့ ဒေါသစိတ်အပြည့်နဲ့ ထမီကိုတိုတို ပြင်ဝတ်တယ်။


“ ညည်းကများ တရားစွဲမလေး ထောင်ချမလေးနဲ့၊ ကျုပ်သမီးအပျိုစစ်စစ်ကို ညည်းလင်က လူပျိုကြီးဆိုပြီး
ကြောင်သူတော် ကြွက်သူခိုးလုပ်ခဲ့တာကိုရော ကျုပ်က ကျေနပ်မယ်ထင်နေလား ” 


“ ဘယ်သူက သူခိုးလဲ၊ ကျုပ်ယောကျာ်းချမ်းသာမှန်းသိလို့ ညည်းတို့အပိုင်ကြံတာ” 


“ ညည်း ပါးစပ်ပိတ်ထားစမ်း၊ ကျုပ်တို့ဘဝက သုညဖြစ်ပေမယ့် ကိုယ်ကျင့်တရားမှာတော့ အမှတ်ပြည့်ပဲဟဲ့၊
ကျုပ် ဘာဖြစ်ဖြစ် ကျုပ် သမီးကို စော်ကားတာတော့ မခံနိုင်ဘူး၊ ညည်းတို့ကိုသတ်ပြီး ကျုပ်ထောင်ထဲဝင်မယ် ” 


အမေက ပြောရင်းနဲ့ အိမ်ထဲကိုပြေးဝင်သွားတယ်။ ဓားမကိုယူပြီးထွက်ပြေးလာတယ်။ ကျွန်မ ရင်ထိတ်သွားပြီး
အမေ့ကို ပြေးဆွဲရတယ်။ ဦးထွဋ်ခေါင်တို့လည်း အခြေအနေမဟန်မှန်းသိတော့ ကားကိုမောင်းပြီးထွက်သွားကြ
တယ်။


အဲဒီတော့မှ အမေဓားကိုပစ်ချပြီး ကျွန်မကို လှမ်းဖက်တယ်။ အမေ ငိုတယ်။ ကျွန်မလည်း ငိုတယ်။ အမေနဲ့ကျွန်မ
 ဖက်ပြီးငိုကြတယ်။ ကျွန်မ ငိုတာက ကျွန်မအရှေ့မှာမားမားမတ်မတ်ရပ်တည်ပေးခဲ့တဲ့ အမေ့ကြောင့်ပါ။ အမေ
သာမရှိခဲ့ရင် သူတို့ရဲ့စကားလုံးတွေအောက်မှာ ကျွန်မ ဘဝတန်ဖိုးမဲ့ခဲ့ရမှာ။ အခုတော့ အမေ့ရဲ့ မေတ္တာအတိမ်
အနက်ကို ပိုပြီးနားလည် လာခဲ့ရတယ်။

ပြီးတော့ ဒီရှက်စရာကောင်းတဲ့အဖြစ်အပြက်ကိုအခြေခံပြီး ကျွန်မ သေသေချာချာနားလည်လိုက်တယ်။ ဆင်းရဲတာက
 ရှက်စရာမဟုတ်ဘူးဆိုတာပါပဲ။ ဆင်းရဲတဲ့မိန်းမတိုင်း သူများခြေရင်းမှာအောက်ကျို့ခံပြီး မာနချနေစရာလည်းမလိုဘူး
လို့ ထင်တယ်။ ကိုယ်သာမှန်နေရင် မှားနေတဲ့သူဌေးရဲ့ပါးကိုတောင် ဘယ်ပြန်ညာပြန်ရိုက်ပစ်နိုင်တယ်ဆိုတာ အမေက
လက်တွေ့ သက်သေပြခဲ့ပြီပဲလေ။     ကျွန်မ သေသေချာချာသိလိုက်တာက အမေနဲ့အမှန်တရားသာရှိနေရင် ဘဝမုန်တိုင်
းဒဏ်ကို ကြံ့ကြံ့ခံနိုင်တယ် ဆိုတာပါပဲ။

                                                                                   အပျိုစင်မဂ္ဂဇင်း
                                                                         အောက်တိုဘာလ၊ ၂၀၁၂ ခုနှစ်။

Sunday, May 26, 2013

ဥက္ကဌရွေးပွဲ

 (၁)


ဒီကျောက်ခုံရွာသားတွေက မယားကြောက်နက္ခတ်နဲ့ပဲမွေးလာသလားမသိဘူး။ မိန်းမကိုကြောက်တဲ့နေရာမှာတော့
ပြိုင်စံရှားပဲ။ ဘာပဲလုပ်လုပ် မိန်းမမျက်နှာကိုကြည့်ရတာ။ မိန်းမမျက်နှာတစ်ချက်ညှိုးပြီဆိုတာနဲ့ ဘယ်ချောင်ပြေးပုန်း
ရမလဲ မသိအောင်ကို ကြောက်ကြရတာ။ ဒီအစွဲက အခုမှရှိလာတာမဟုတ်ဘူး။ အရင့်အရင်ကတည်းက မယားကြောက်
ဘွဲ့ကိုလက်ဆင့်ကမ်းလာခဲ့ကြတာ။


ကျောက်ခုံရွာမှာ သြဇာအရှိဆုံးက မိန်းမတွေလို့ကို ပြောစမှတ်ရှိခဲ့ကြတာ။ မိန်းမကိုကြောက်တဲ့နေရာမှာများ ပြိုင်ဘက်
ကင်းစွာနဲ့ကို ဗိုလ်စွဲထားကြတာ။ မိန်းမက ဟေ့ဆို သူတို့က ဟိတ် မလုပ်ရဲကြဘူး။ မိန်းမပါးစပ်ကထွက်ကျလာတဲ့ စကား
တစ်ခွန်းက သူတို့ သေဆိုသေ ရှင်ဆိုရှင်ပဲ။


အခုလည်း ကိုသာစံတစ်ယောက် ရွာနောက်ပိုင်းကိုသုတ်သီးသုတ်ပြာနဲ့လျှောက်လာတယ်။ ကိုသာစံရဲ့မျက်နှာပေါ် မှာ
ထိတ်လန့်တုန်လှုပ်မှုတွေကအထင်းသား။ လက်ထဲမှာလည်း ဆန်တစ်ပြည်ကိုကိုင်လို့။ ပတ်ဝန်းကျင်ကိုတောင် ငဲ့စောင်း
 မကြည့်အားဘူး။ ခြေလှမ်းသွက်သွက်လှမ်းလို့ ရွာနောက်ပိုင်းကိုပဲ မပြေးရုံတစ်မယ်လျှောက်နေခဲ့တယ်။


“ အတတ်ဟောဗေဒင် ကိုကြည်ခင် ”  လို့ဆိုင်းဘုတ်ထောင်ထားတဲ့အိမ်ရှေ့ကိုရောက်တော့ ကိုသာစံရဲ့ခြေလှမ်းတွေ
တုံ့ကနဲရပ်သွားတယ်။ ပြီးမှ ရင်ဘတ်ကိုအသာဖိပြီး ပတ်ဝန်းကျင်ကိုအသာစောင်းငဲ့ကြည့်တယ်။ ဘယ်သူမှမရှိဘူးဆိုမှ
 ကိုကြည်ခင်ရဲ့အိမ်ပေါ်ပြေးတက်သွားတယ်။ အလန့်တကြားနဲ့ပြေးတက်လာတဲ့ ကိုသာစံကိုမြင်တော့ ကိုကြည်ခင် လန့်
သွားတယ်။


 “ ရှူး … ဖြည်းဖြည်းလုပ်ပါဗျ၊ ကျုပ် မိန်းမအိပ်နေလို့၊ တော်ကြာဆူရကောင်းမလားဆိုပြီးကျုပ်ကိုအပြစ်ရှာနေဦးမယ်ဗျ ” 


ဒီတော့မှ ကိုသာစံက ခြေလှမ်းကိုတုန့်ဆိုင်းပြီး ဖြည်းဖြည်းလျှောက်လာခဲ့တယ်။ ကိုကြည်ခင်ရဲ့ရှေ့ကိုရောက်တာ့ ဆန်
တစ်ပြည်ကိုချပြီး အားကိုးတကြီးကြည့်တယ်။


“ ဘာဖြစ်ပြန်တာလဲ သာစံရ၊ ကျုပ်အာရုံထဲမှာပေါ်လာတဲ့အတိုင်းပြောရရင်တော့ ခင်ဗျား မိန်းမ မသိအောင်အပြစ်တစ်ခု
လုပ်မိခဲ့ပြီထင်တယ် ” 


ကိုကြည်ခင်ရဲ့စကားအဆုံးမှာ ကိုသာစံရဲ့မျက်နှာကြီးဝိုင်းစက်သွားတယ်။ ကိုကြည်ခင်ရဲ့စကားကမှန်တယ်ဆိုတဲ့ သဘော။
ဒီတော့ ကိုကြည်ခင်က မျက်ခုံးကိုအသာတွန့်ပြီး ဆရာကြီးပုံစံနဲ့ထပ်ပြောတယ်။


“ ဒီတော့ ခင်ဗျားက မိန်းမ ဆူတာ ကြမ်းတာ မခံရအောင် ကျုပ်ဆီအပြေးလာခဲ့တာပေါ့ ”


ကိုကြည်ခင်ပြောသမျှ ကိုသာစံကခေါင်းချည်းပဲညိတ်နေတယ်။ ကိုကြည်ခင်ကလည်း သူပြောတာမှန်နေတော့ ဘဝင်လေး
နည်းနည်းကိုင်လာတယ်။ ဒီရွာမှာ ဗေဒင်ဆရာဆိုလို့လည်း သူ့တစ်ယောက်တည်းရှိတာကိုး။ ဒီတော့ ဘာပဲ ဖြစ်ဖြစ် သူ့ဆီပဲ
လာနေကြရတာ။


“ အေးပေါ့ဗျ၊ ခင်ဗျားအားကိုးမယ်ဆိုလည်း အားကိုးစရာသင့်ပါတယ်၊ ကျုပ်ဟောရင်လွဲခဲတယ်၊ ကဲ အကြောင်း အရာလေး
ရှင်းစမ်းပါဦး ” 


“ ကျုပ် မိန်းမရဲ့အဝတ်ချုပ်တဲ့အပ် ပျောက်သွားလို့ဗျ၊ အဲဒါ ကျုပ်မိန်းမသိရင် ကျုပ်ကိုဆူလို့ပြီးမှာမဟုတ်တော့ဘူးဗျ၊ ပျောက်
သွားတဲ့အပ်ပြန်ရအောင်လုပ်ပေးစမ်းပါဗျာ ” 


ဖြစ်ကြောင်းကုန်စင်ကိုလည်းသိရော ကိုကြည်ခင် ခေါင်းတညိတ်ညိတ်လုပ်နေပြန်တယ်။ ကိုသာစံကတော့ ကိုကြည်ခင်ကိုပဲ
အားကိုးတကြီးကြည့်နေရှာတယ်။ သူ့ခမြာ အပ်တစ်ချောင်းပျောက်တာ ရာဇဝတ်မှုကြီးကျူးလွန်မိသလို ကြောက်ဒူးတုန်နေ
ရှာတာ။


“ ပျောက်တာက ဘယ်နားပျောက်တာလဲ ” 


“ အိမ်ပေါ်မှာဗျ၊ ကျုပ်လက်ထဲကလွတ်ကျသွားတာ၊ ကြမ်းခင်းပေါ်ကိုကျသွားတာပဲ၊ ကျုပ်ကြည့်လိုက်တော့ မတွေ့တော့ဘူး ” 


ကိုသာစံရဲ့စကားကိုကြားတော့ကိုကြည်ခင်တွေးတွေးဆဆနဲ့ခေါင်းညိတ်နေပြန်တယ်။ ကိုသာစံကတော့ သူ့မိန်းမ သိမှာစိုး
လို့ကြောက်နေရှာတာ။ သူ့မိန်းမ စိန်ခင်ကလည်း အာကြမ်းလျှာကြမ်း။ ပါးစပ်ကပြောရင် လက်ကပါပြီးသား။ ဒီတော့ ကိုသာစံ
မကြောက်ပဲနေမလား။


“ ကျုပ်နဲ့တွေ့ရင် ခင်ဗျားအဆင်ပြေပြီသာမှတ်လိုက်တော့၊ အဲဒီအပ်က ခင်ဗျားအိမ်ပေါ်မှာပဲရှိတယ်၊ အပ်ကျသွားတဲ့ကြမ်းခင်း
တဝိုက်နားမှာ သေချာရှာ၊ ပြန်တွေ့လိုက်မယ် ” 

ကိုကြည်ခင်က ပိုင်ပိုင်နိုင်နိုင်ပြောတော့ ကိုသာစံ မျက်နှာကြီးဝင်းပသွားတယ်။ ပြီးတော့ ဗေဒင်မေးဖို့ယူလာတဲ့ ဆန်တစ်ပြည်
ကို ရိုရိုသေသေလှမ်းပေးတယ်။


“ ကျေးဇူးပဲဗျာ၊ ရော့ ဒါကကိုကြည်ခင်အတွက် ဆန်တစ်ပြည်ယူလာတာ၊ ကျုပ်သွားရှာကြည့်လိုက်ဦးမယ်ဗျာ ” 


ဆန်တစ်ပြည်ကိုပေးခဲ့ပြီး ကိုသာစံပြေးလာခဲ့ပြန်တယ်။ မိန်းမဈေးကပြန်မလာခင် အပ်ပြန်ရှာတွေ့ဖို့ကအရေးကြီး တယ်။
 မိန်းမပြန်လာလို့မှ သူ့အပ်မတွေ့ရင် ကိုသာစံပြေးပေါက်မှားမှာ။ ဒါကြောင့် ကိုကြည်ခင်ပြောတဲ့အတိုင်း အပ်ကျတဲ့ နေရာ
တစ်ဝိုက်ကိုသေချာလိုက်ရှာရတယ်။ ပြီးတော့ အိမ်ရှေ့ကိုလည်းကြည့်ရသေးတယ်။ မတော်လို့ မိန်းမပြန်လာပြီးတွေ့ သွားရင်
 ကိုသာစံအတွက်လွယ်မှာမဟုတ်ဘူး။ခဏနေတော့ ကြမ်းခင်းကြားမှာကျနေတဲ့ အပ်ကိုတွေ့လိုက်ရတယ်။ ဝမ်းသာတဲ့စိတ်
က ကိုသာစံ ကိုလွှမ်းခြုံသွား တယ်။ ကိုကြည်ခင်ကိုလည်း ကျေးဇူးအတင်ကြီးတင်မိတယ်။ ရှာလို့တွေ့လာတဲ့အပ်ကို အပ်
ချည်လုံးထဲကျကျနနပြန်စိုက် ထားလိုက်တယ်။ ပြဿနာတစ်ရပ်တော့ပြီးသွားပြီ။ မိန်းမဆူတာလည်း မခံရတော့ဘူး။
ကိုသာစံရင်ထဲ ဘုရားပွဲလှည့်သလို ကြည်နူးမှုတို့ပျံ့နှံ့နေခဲ့တယ်။


ဈေးကနေ မိန်းမပြန်လာတော့လည်း ကိုသာစံ မျက်နှာကြီးဖုံးဖိမရအောင် ရယ်မြူးရိပ်တို့ထင်ဟပ်နေတယ်။ ကိုကြည်ခင်
ရဲ့ဗေဒင်ဘယ်လောက်မှန်ကြောင်းပြောချင်လိုက်တာမှ ပါးစပ်ကိုယားနေတာပဲ။ ဒါပေမယ့် ပြောလို့လည်း မဖြစ်သေးပါဘူး။
ပြောချင်စိတ်နဲ့ မပြောရဲတဲ့စိတ်က ကိုသာစံကိုလွန်ဆွဲနေခဲ့တယ်။ ကိုသာစံရဲ့မျက်နှာအရိပ်အကဲကို မိန်းမကရိပ်သွားတယ်။


“ ကိုသာစံ .. တော် ကျုပ်မသိခင်ဘာတွေများလုပ်ထားတုန်း ” 


မိန်းမဆီက ခပ်မာမာစကားထွက်လာတော့ ကိုသာစံ ဆတ်ကနဲတုန်သွားတယ်။ ဒါပေမဲ့ မျက်နှာပေါ်မှာတော့ ပြုံးချင်သလို
ရယ်ချင်သလိုနဲ့။ စပ်ဖြဲဖြဲကြီးဖြစ်လို့။


“ ဘာမှမလုပ်ပါဘူး မိန်းမရဲ့၊ ဒီလိုပါပဲ ” 


“ ဘာ ဒီလိုပါပဲလဲ၊ တော့်အကြောင်းကျုပ်သိတယ်၊ ပြောစမ်း၊ ကျုပ်ကွယ်ရာမှာဘာလုပ်ထားလဲ ” 


မိန်းမကထပ်မေးလာလည်း ကိုသာစံမဖြေဘူး။ စပ်ဖြဲဖြဲနဲ့ပဲ မိန်းမကိုကြည့်တယ်။ ကိုသာစံရင်ထဲမှာတော့ ပြောချင်ရှာလွန်း
လို့ ပါးစပ်ကလည်းယားလှပြီ။


“ တကယ်ပြောတာပါ မိန်းမရဲ့၊ ကျုပ် ပျော်လို့ပါ၊ ဟဲ ဟဲ ” 


“ ကိုသာစံ .. ” 


မိန်းမဆီက ကိုသာစံနာမည်ကြီးခပ်ကျယ်ကျယ်ထွက်လာတော့ စပ်ဖြဲဖြဲမလုပ်ရဲတော့ဘူး။ နဂိုကမှ မယားကြောက်ရတဲ့
ဓာတ်ခံကရှိထားတော့ မိန်းမရှေ့မှာ ကျောက်ရုပ်လိုရပ်နေမိတယ်။ ပြောလိုက်ရမလားဆိုတဲ့အတွေးရောက်လာပေမယ့်
ပြောချင်စိတ်က ကိုသာစံကို လွှမ်းမိုးနေခဲ့ပြီ။ နောက်ဆုံး ကိုသာစံမနေနိုင်တော့ဘူး။ မအောင့်နိုင် မအီးနိုင် ပြောချလိုက်
တော့ တယ်။


“ ဒီလို မိန်းမရဲ့၊ မနက်က မိန်းမရဲ့အပ်လေးပျောက်သွားတာ ” 


“ အဲဒီတော့ .. ” 


“ ကျုပ်လည်း ထူပူသွားတာပေါ့၊ မိန်းမသိရင်လည်း အဆူခံရတော့မယ်လေ၊ ဒါနဲ့ မိန်းမ အဆူမခံရအောင် ကိုကြည်ခင်
ဆီပြေးသွားရတာပေါ့၊ သူ့ဟောချက်က ဒက်ထိကိုမှန်တယ် မိန်းမရဲ့ ” 


“ ဟုတ်လား ဘယ်လိုမှန်သတုံး ကိုသာစံ၊ တော် မြန်မြန်ပြောစမ်း ” 


“ အပ်ကျသွားတဲ့ကြမ်းခင်းပေါ်မှာရှာတဲ့၊ သူပြောတဲ့အတိုင်း ကျုပ် ရှာတော့ အပ်ကိုတွေ့တော့တာပဲ မိန်းမရဲ့၊ အံ့သြစရာ
ကောင်းလိုက်တာ၊ ဆန်တစ်ပြည်နဲ့သွားမေးရုံနဲ့ ပျောက်နေတဲ့အပ်ရှာတွေ့တော့တာပဲ ” 


ကျုပ်ပြောလိုက်တော့ ကျုပ် မိန်းမ မျက်လုံးကြီးပြူးထွက်လာရောဗျ။


“ ဘာ အပ်တစ်ချောင်းပျောက်သွားတာ ဆန်တစ်ပြည်နဲ့သွားမေးတယ် ဟုတ်လား ” 


“ ဟုတ်တယ် မိန်းမရဲ့၊ အခုမိန်းမရဲ့အပ်လေးပြန်ရပြီလေ ” 


“ သြော် .. တော်လှသကိုး၊ ဒါနဲ့ဗေဒင်ကနောက်ထပ်ဘာဖြစ်မယ်ဆိုတာ မဟောလိုက်ဘူးလားတော်ရဲ့ ” 


“ မဟောလိုက်ဘူး မိန်းမရဲ့၊ မိန်းမကဘာသိချင်လို့လဲ ” 


ကိုသာစံက ဝမ်းသာအားရမေးလိုက်တယ်။ မိန်းမလည်း သူဗေဒင်မေးတာမှန်သွားလို့စိတ်ဝင်စားသွားတယ်ထင်ရဲ့။
ဒါပေမဲ့ ကိုသာစံ အထင်နဲ့အမြင်လွဲသွားတယ်။ မိန်းမရဲ့မျက်နှာကြီးက သပြေသီးလို ညိုမည်းလာတယ်။


“ ကျုပ်သိချင်တာမဟုတ်ဘူး၊ တော်သိရမှာ၊ အပ်တစ်ချောင်းပျောက်တာကို ဆန်တစ်ပြည်နဲ့သွားမေးရင် ဒီလိုဖြစ်
တတ်တယ်ဆိုတာ ကျုပ်ကလက်တွေ့ဟောပေးလိုက်တယ်၊ မှတ်ထား ” 


မိန်းမပစ်လိုက်တဲ့ သနပ်ခါးတုံးက ကိုသာစံရဲ့နဖူးကိုမိတ်ဆက်မိသွားတယ်။ ကိုသာစံ နောက်ပြန်လဲကျသွားပြီး ကြယ်
တွေလတွေကိုပါ မြင်လိုက်ရတယ်။ ကြယ်တွေလတွေရဲ့ကြားမှာမှ ဒေါသထွက်နေတဲ့ သူ့မိန်းမရဲ့မျက်နှာကိုလည်း လှမ်း
မြင်လိုက်ရလေတော့တယ်။


(၂)


ရွာဦးကျောင်းနောက်က ဇရပ်ထဲမှာ လူစုံတက်စုံရှိနေခဲ့တယ်။ ကိုသာစံအပါအဝင် ကျောက်ခုံရွာသားအားလုံး ဇရပ်ထဲမှာ
ရှိနေကြတယ်။ သူတို့အားလုံးစုဝေးနေကြတာက မိန်းမတွေမသိအောင် တိတ်တဆိတ် အစည်းအဝေးလုပ်နေခြင်းရယ်ပါ။
မနေ့က မိန်းမလက်ချက်နဲ့ ကိုသာစံနဖူးကွဲသွားတယ်။ အခုတောင် နဖူးမှာ အဝတ်စုတ်လေးစည်းပြီး ကိုသာစံထိုင်နေရ
တာ။


ကိုသာစံရဲ့အဖြစ်ကိုကြည့်ပြီး ကျန်တဲ့သူတွေလည်းမကျေနပ်ကြဘူး။ ယောက်ျားတွေက မိန်းမတွေရဲ့လက်ဝါးကြီး အုပ်မှုထဲ
က ရုန်းထွက်မယ်ဆိုတဲ့ရည်ရွယ်ချက်နဲ့ လျှို့ဝှက်အစည်းအဝေးလုပ်ကြတယ်။ ဇရပ်ရှေ့ကနေ ကိုဘညိုက ကင်း စောင့်နေ
တယ်။ ဒါမှ မိန်းမတွေလာရင် ချက်ချင်းအချက်ပေးလို့ရမှာ။


“ အဟမ်း .. အဟမ်း ” 


ဗေဒင်ဆရာ ကိုကြည်ခင်က အခမ်းအနားမှူးလုပ်မှာမို့ အဟမ်းဆိုပြီး ချောင်းတစ်ချက်ဟန့်လိုက်တယ်။ ဒီတော့ ထိုင်နေ
ကြတဲ့ရွာသားအားလုံးရဲ့အကြည့်က ကိုကြည်ခင်ဆီရောက်သွားတယ်။


“ အခုကျုပ်တို့အစည်းအဝေးလုပ်တဲ့ရည်ရွယ်ချက် မိန်းမတွေကိုတော်လှန်ဖို့ပါပဲ၊ ဟုတ်ပါရဲ့လား ရွာသားတို့  ” 


“ ဟုတ်တယ်ဗျို့၊ တော်လှန်ရမယ် ” 


ကိုကြည်ခင်ရဲ့စကားအဆုံးမှာ ရွာသားတွေက ပြိုင်တူထောက်ခံကြတယ်။ အသံမထွက်လာတဲ့သူရယ်လို့ တစ်ယောက်မှ
မရှိကြဘူး။ သူတို့ရင်ထဲမှာ မိန်းမတွေကိုဘယ်လောက်တောင် စိတ်ကုန်နေကြပြီလဲမသိ။


“ ဒါဆို ကျုပ်တို့ဆီမှာ ခေါင်းဆောင်တစ်ယောက်တော့ရှိရမယ်၊ မိန်းမတွေပြောသမျှ ဆူသမျှ ကြမ်းသမျှ ကျုပ်တို့ မခံစားနိုင်
တော့ဘူး၊ သူတို့ပြောသမျှ ရဲရဲဝံ့ဝံ့တော်လှန်နိုင်ဖို့ ကျုပ်တို့ ဥက္ကဌရွေးရမယ်၊ ကဲ ဘယ်သူ ဥက္ကဌလုပ်မလဲ ” 


ကိုကြည်ခင် ဆီက စကားသံထွက်လာတော့ ရွာသားတွေဆီက အသံတိတ်ကျသွားတယ်။ အားလုံးက မိန်းမ ကြောက်ရသူ
တွေချည်းမို့ ဥက္ကဌလုပ်ဖို့တွန့်နေကြတယ်။ ပြောမယ့်သာပြောနေရတာ။ မိန်းမတွေကိုတော်လှန်ဖို့ သူတို့ တော်တော် ကြိုး
စားကြရဦးမှာ။


“ ဘယ်သူလုပ်ကြမလဲ၊ ဥက္ကဌလုပ်ဖို့ တစ်ယောက်ယောက်တာဝန်ယူမှရမယ် ”


ကိုကြည်ခင်ရဲ့စကားကိုကြားတော့ ရွာသားတွေတိတ်ဆိတ်နေကြပြန်တယ်။ အခုပဲ မိန်းမတွေကိုတော်လှန်မယ်ဆိုတဲ့
ရွာသားတွေ။ ဥက္ကဌဆိုတဲ့အသံလည်းကြားရော ခေါင်းတောင်မထောင်နိုင်ကြတော့ဘူး။ အဲဒီအချိန်မှာပဲ အပြင်ကနေ
အော်သံက ကျယ်ကျယ်လောင်လောင်ထွက်လာတယ်။


“ မိန်းမတွေလာနေပြီဟေ့၊ မိန်းမတွေအားလုံးစုပြီး ဒီဘက်လာနေကြပြီ၊ ကိုသာစံမိန်းမ စိန်ခင်က ဦးဆောင်လာတာ ” 


ကင်းစောင့်နေတဲ့ ကိုဘညိုဆီကအသံလည်းကြားရော အားလုံးဆောက်တည်ရာမရဖြစ်သွားကြတယ်။ ချက်ချင်း ဆိုသလို
 ပြေးပေါက်ရှာတဲ့သူကရှာ။ ပြတင်းပေါက်ကနေ ခုန်ဆင်းသူကဆင်း။ ပုန်းစရာနေရာ ရှာတဲ့သူကရှာနဲ့ ဇရပ်ထဲမှာ ဗြောင်း
ဆန်သွားတော့တယ်။ မိန်းမဆိုတဲ့အသံကြားတာနဲ့ ကြောက်လို့ကောင်းနေကြတုန်းပဲ။


“ သွားပြီဗျ၊ မိန်းမတွေ ကျုပ်တို့ဆီလာတာမဟုတ်ဘူး၊ ရွာထိပ်က အလှူကိုသွားကြတာ ” 


ကိုဘညိုရဲ့အသံကိုကြားမှ သက်ပြင်းချသံတွေနဲ့အတူ ပုန်းနေရာက အသီးသီးထွက်လာရတော့တယ်။ ပြီးတော့
ကိုဘညိုကို အပြစ်တင်သလိုကြည့်ကြတယ်။ မိန်းမတွေဒီဘက်လာတာမှတ်လို့ သူတို့ပုန်းလိုက်ကြရတာ။ အခုတော့
ရွာထိပ် က အလှူသွားတာတဲ့။ အခုမှ သူတို့ရင်ထဲပေါ့သွားကြရတယ်။


အဲဒီမှာထူးခြားချက်တစ်ခုကို သူတို့အားလုံးတွေ့လိုက်ကြရတယ်။ ကိုသာစံတစ်ယောက် အခြားသူငှာတွေလို
ပြေးပုန်းမနေခဲ့ဘူးလေ။ အစကတည်းက ထိုင်နေတာ အခုထိ ထိုင်မြဲတိုင်း ထိုင်နေတုန်းပဲ။ အားလုံး ဝမ်းသာ
အားရဖြစ် သွားကြတယ်။ ပြီးတော့ ကိုသာစံကို ဥက္ကဌတင်ကြဖို့ဆုံးဖြတ်ပြီးသားဖြစ်သွားတယ်။ ကိုသာစံက
 မိန်းမတွေလာပြီ ဆိုတာတောင် မကြောက်မရွံ့နဲ့ဒီအတိုင်းထိုင်နေတာ ဥက္ကဌမတင်သင့်ဘူးလား။


ကိုသာစံကို ဥက္ကဌတင်ကြဖို့ ဆုံးဖြတ်ချက်နဲ့အတူ ကိုသာစံအနားကိုလျှောက်လာကြတယ်။ ကိုသာစံကို ဝမ်းသာ
 အားရလည်း ကိုင်လိုက်ရော ကိုသာစံခန္ဓာကိုယ်ကြီး ထိုင်နေရာက ဗြုန်းခနဲကျသွားတယ်။ အားလုံး အံ့သြသွားကြ
တယ်။ သူတို့ထင်သလို ကိုသာစံက မကြောက်မရွံ့ထိုင်နေတာမှမဟုတ်ပဲ။ မိန်းမတွေလာပြီဆိုတဲ့အသံကြားလို့
အကြောက်လွန်ပြီး ထိုင်နေရင်း သတိမေ့သွားမှန်းသိလိုက်ရလေတော့တယ်။


                                                                               ရယ်စရာမဂ္ဂဇင်း
                                                                                  မေလ ၊ ၂၀၁၃

Tuesday, May 21, 2013

အနက်ရောင်ဘ၀များ၏အဆိပ်သင့်ဗျူဟာ


သူကတော်တော်လေးကိုဆွဲဆောင်မှုရှိတယ်။ အရမ်းလည်း ညှို့နိုင်လွန်းတယ်။ သူ့ကိုမြင်ရင် လိုချင်တပ်မက်
စိတ် တွေဝင်လာတယ်။ စွဲလန်းမိရင် လောဘရမ္မက်တွေ ကြီးလာတယ်။ သူက လူတိုင်းရဲ့သည်းခြေကြိုက်ပဲ။
ဒါကြောင့် သူ့ကို လူတွေမက်မက်မောမောရှာဖွေနေကြတာပေါ့။


(၁)


ကျွန်မနာမည်က နုငယ်ပါ။ ကျွန်မနေတာက နှမ်းကျဲဆိုတဲ့တောရွာလေးမှာ။ ဒါပေမဲ့ ကျွန်မက တောကိုမုန်း
တယ်။ ပြီးတော့ အမေ့နောက်ယောကျာ်းဦးထွန်းသာကိုလည်းမုန်းတယ်။ ဦးထွန်းသာက ပထွေးပီပီ မယား
ပါသမီးဖြစ်တဲ့ ကျွန်မကို မသထာချင်ဘူး။ ဒါကြောင့် ကျွန်မကို ဇွတ်အတင်းအလုပ်လုပ်ခိုင်းတယ်။ နေ့တိုင်း
 ကောက်စိုက်ရ ပျိုးနှုတ်ရနဲ့။ ရလာတဲ့ငွေက နည်းနည်းလေးရယ်။ အဲဒီငွေကလည်း ပထွေးလက်ထဲရောက်
ပြီး အရက်ဖိုးဖြစ်သွားရော။ ဒီတော့ အလုပ်တွေချည်းလုပ်ရပြီး ငွေရနည်းတဲ့အလုပ်ကို ကျွန်မစိတ်ပျက်လာ
မိတယ်။


တစ်နေ့တော့ ကံဆိုးချင်တဲ့ကျွန်မ သားကောင်ချောင်းတဲ့မုဆိုးနဲ့တွေ့ခဲ့ရတယ်။ မုဆိုးကလည်း တခြားသူ
မဟုတ်ဘူး။ ကျွန်မရဲ့ပထွေး ဦးထွန်းသာလေ။ ကျွန်မရဲ့ဘဝကို အညွန့်ကျိုးအောင်ဖျက်ဆီးဖို့ကြံစည်ခဲ့တာ။
အမေအရောက်မြန်ပေလို့သာ ပေါ့။ မဟုတ်ရင် ကျွန်မဘဝပျက်ရမှာ။


ဒီကိစ္စနဲ့ ပတ်သက်ပြီး အမေက ကျွန်မကိုဆူလို့မဆုံးဘူး။ မိန်းကလေးတန်မဲ့ အနေအထိုင်မဆင်ချင်ဘူး
တဲ့။ ပေါ့ပေါ့ နေ ပေါ့ပေါ့စား မိန်းမတဲ့။ အမေ့ရဲ့ပါးစပ်ဖျားမှာ ကျွန်မကအဓိကတရားခံဖြစ်လာခဲ့တယ်။
ဘယ်လောက်များရင်နာဖို့ကောင်း လိမ့်သလဲ။ လောကကြီးမှာသွေးအနီးဆုံးဖြစ်တဲ့အမေကတောင်
ကျွန်မကို တန်ဖိုးထားမငဲ့ကွက်တော့ဘူး။


အဲဒီအချိန်ကစပြီး အမေကကျွန်မကို မျက်လုံးဒေါက်ထောက်ကြည့်နေတော့တယ်။ အမြဲတမ်းအပြစ်မရှိ
အပြစ်ရှာ နေတာပဲ။ အမေတစ်ခု သမီးတစ်ခုဘဝမှာ နွေးထွေးမှုဆိုတာ ရှားပါးတဲ့အရာတစ်ခုလိုပဲ။ အမေ့
ရဲ့ပြောဆိုဆက်ဆံပုံတွေက ကျွန်မရင်ကို မီးစနဲ့ထိုးသလို ပူပြင်းနာကျင်စေတာအမှန်ပဲ။


နောက်ဆုံးတရားခံရှာလိုက်တော့ ငွေပဲ။ ငွေမရှိလို့ ဆင်းရဲရတာ။ ဆင်းရဲလို့ မိသားစုအဆင်မပြေဖြစ်ရ
တာ။ ဒုက္ခ ရောက်ကြရတာ။ ဒါတွေက ငွေမရှိလို့ဖြစ်ရတဲ့ နောက်ဆက်တွဲပြဿနာတွေပေါ့။ ငွေမရှိရင်
လူရာမဝင်ဘူး။ အဲဒီအချိန်ကစပြီး ကျွန်မစိတ်ထဲမှာ ငွေကပဲအချိန်တိုင်းနေရာယူလာခဲ့တယ်။ ကျွန်မရဲ့
ကိုးကွယ်ရာကငွေဖြစ်သွားတယ်။ ဒီတော့ ငွေရှိအောင် ရှာရမယ်။ ငွေများများရှာနိုင်ဖို့ကတော့ ကောက်
စိုက်ပျိုးနှုတ်ရုံနဲ့ ဘယ်လိုမှမဖြစ်နိုင်ဘူး။


အဲဒီအချိန်မှာ အခွင့်ကရေးတစ်ခုကဆိုက်ဆိုက်မြိုက်မြိုက်ရောက်လာတယ်။ မြို့ကလာတဲ့မိန်းမကြီး
တစ်ယောက်က အလုပ်သမားလာရှာတာတဲ့။ ဒီသတင်းကြားတော့ အမေက အဲဒီမိန်းမကြီးကို အိမ်ခေါ်။
ထမင်းတွေဘာတွေဖိတ်ကျွေးပြီး အတင်းဖားတော့တာပဲ။


အမေက ကျွန်မကို မလိုလားတော့ဘူးဆိုတာ ကျွန်မသိတယ်။ အမေက သူ့ယောကျာ်းနဲ့ ကျွန်မဝေးသွား
ဖို့ရည်ရွယ် တာလေ။ ဒီအကြောင်းတွေသိပေမယ့် အရမ်းကြီးလည်းဝမ်းမနည်းမိပါဘူး။ ကျွန်မမှာ သံယော
ဇဉ်တွေ မေတ္တာတွေအစား ငွေကနေရာအပြည့်ယူထားခဲ့ပြီပဲ။


ဒီလိုနဲ့ အမေ့ရည်ရွယ်ချက်အောင်မြင်သလို ကျွန်မရည်မှန်းချက်လည်းပြည့်မြောက်ခဲ့တယ်ဆိုပါတော့။
 မြို့မှာ အလုပ် သွားလုပ်ဖို့အတွက် အဆင်ပြေသွားခဲ့တယ်လေ။ ကောင်းကောင်းဝတ်ပြီး ကောင်း
ကောင်းစားရမယ်တဲ့။ လခလည်း ကောင်း ကောင်းရမယ်တဲ့။ ဒီတော့ မြို့တက်အလုပ်လုပ်မယ့်
အကြောင်းစဉ်းစားပြီး ကျွန်မ အိပ်လို့တောင်မပျော်ဘူး။


မြို့ကိုရောက်တော့ နိုက်ကလပ်ဆိုလား ဘာလား။ အဲဒီမှာစားပွဲထိုးလုပ်ရတယ်။ တောမှာတုန်းက
 သနပ်ခါးအထူထူ လိမ်းပြီး အကျီဖားဖားကိုဝတ် ဆံပင်ကိုဖိုသီဖတ်သီသိမ်းတင်ပြီးနေပူထဲမှာလုပ်
ရတာ။ ဒီမှာတော့သက်သာသလားမမေးနဲ့။ ဆံပင်တွေကိုအခွေလိုက်ဖြစ်အောင်ကောက်ပြီး မိတ်ကပ်
အဖွေးသားနဲ့နေရတာ။ အဝတ်အစားဆိုလည်း ခေတ်ပေါ်လည်ဟိုက် အင်္ကျီနဲ့ စကဒ်တိုလေးက
ဘယ်ခွဲညာခွဲ။ လခကလည်းကောင်းတော့ ငွေကောင်းကောင်းစုလို့ရတယ်။ ပြီးတော့ ဒီကိုလာကြ
တဲ့လူတွေကလည်း ကျွန်မကို မုန့်ဖိုးတွေပေးသုံးကြတယ်။


တစ်ချို့လူတွေဆို အတော့်ကိုလက်ရဲဇက်ရဲနိုင်လှတယ်။ မပြောမဆိုနဲ့ ကျွန်မရဲ့လက်ကို ပိုင်စိုးပိုင်နင်း
လှမ်းကိုင် တတ်တယ်။ ထိကပါး ရိကပါးလုပ်ကြတာကလည်း အကြိမ်ကြိမ်ပဲ။ အစပိုင်းမှာ စိတ်ထင့်
သွားတတ်ပေမယ့် နောက်တော့ ကျွန်မ မတုန်လှုပ်တော့ဘူး။ လက်ကလေးတစ်ခါအကိုင်ခံလိုက်ရုံနဲ့
သူတို့အိတ်ထဲကထွက်ကျလာတဲ့ငွေတွေက ကျွန်မရတဲ့ လခထက်များနေတာကိုး။


ဘဝပေးကံမကောင်းလို့ဆင်းရဲနေပေမယ့် ကျွန်မရဲ့ရုပ်ရည်ကတော့ အပြစ်ပြောစရာကိုမရှိဘူး။ ကြာ
လာတော့ မသင်ရဘဲနဲ့ ညှို့နည်းတစ်ထောင် မြူဆွယ်နည်းအဖုံဖုံကို တတ်ကျွမ်းလာခဲ့တယ်။ အဲဒီ
ပညာတွေကို ကျွန်မ ပိုင်ပိုင်နိုင်နိုင် အသုံးချတတ်ခဲ့တယ်။ အရက်တွေချပေးရင်း မျက်လုံးလေး
ပေကလပ် ပေကလပ်နဲ့ကြည့်လိုက်ရင်ပဲ သကောင့်သားတွေ ဘယ်ခံနိုင်ပါ့မလဲ။ လာခဲ့ရောပေါ့
ငွေစက္ကူတွေ။    


ရလာတဲ့ငွေတွေက သန့်ရှင်းတဲ့ငွေလား မသန့်ရှင်းတဲ့ငွေလား မစဉ်းစားဘူး။ အဲဒီလိုစဉ်းစားဖို့
အချိန်တောင်မရှိဘူး။ ရတဲ့နည်းနဲ့ငွေရှာတာပဲ။ ကျွန်မရဲ့ဘဝကိုတောင် ရက်ရက်ရောရောပေးပြီး
ငွေရအောင်ရှာခဲ့တယ်။ ရသမျှငွေတွေကိုလည်း မစားရက် မသောက်ရက်စုဆောင်းထားခဲ့တယ်။


တစ်နေ့တော့ သားကောင်ကြီးကြီးတစ်ကောင်ဖမ်းမိခဲ့တယ်။ မုဆိုးဖိုသူဌေးကြီးလေ။ ဦးမြခေါင် တဲ့။
ချမ်းသာလိုက် တာလည်း မပြောပါနဲ့တော့။ ကျွန်မထက်တော့ သုံးဆယ့်ငါးနှစ်လောက်ကြီးတယ်။
ဒါတွေက ပြဿနာမရှိဘူး။ အဓိကတော့ ဦးမြခေါင်က ငွေရှိတယ်။ ချမ်းသာတယ်။ ဒါဆိုပြီးပြီပေါ့။


ဦးမြခေါင်က ကျွန်မကို လက်ထပ်ချင်သတဲ့။ ကျွန်မအတွက်တော့ ရေငတ်တုန်း ရေတွင်းထဲကျသ
လိုပါပဲ။ ကန္တာရမှာ ရေကြည်တစ်ပေါက်တွေ့တာတောင် ဒီလောက်ဝမ်းသာမိမှာမဟုတ်ဘူး။ ဒီလိုနဲ့
ဦးမြခေါင်နဲ့ ကျွန်မ လက်ထပ်လိုက်ကြတယ်။ ဦးမြခေါင်ရဲ့တိုက်ကြီးကိုစရောက်တော့ အိပ်မက်မက်
နေသလားအောက်မေ့ရတယ်။ ကြီးကျယ်လိုက်တာများ နတ်ပြည် ရောက်နေသလားပဲ။ မီးခံသေတ္တာ
ကိုဖွင့်ပြတော့ ကျွန်မမျက်လုံး တွေအရောင်တောက်သွားတယ်။ ရွှေတွေ ငွေတွေ စိန်တွေ ဆိုတာ
ကစားစရာလားအောက်မေ့ရတယ်။


ကျွန်မလိုချင်တဲ့ ဘဝကိုရောက်ခဲ့လို့ အရမ်းကြည်နူးသွားမိတယ်။ နေ့တိုင်း နေ့တိုင်း မီးခံသေတ္တာကို
ဖွင့်ကြည့်ရတာ လည်း မမောနိုင်အောင်ပါပဲ။ ဦးမြခေါင်ကလည်း ကျွန်မကိုအရမ်းအလိုလိုက်တယ်။
ငွေဆိုလည်း စိတ်တိုင်းကျသုံးနိုင် ဖြုန်းနိုင် ခဲ့တယ်။     ဒီလိုသာယာနေတဲ့ ကျွန်မဘဝကို ကံကြမ္မာဂြိုလ်
ဆိုးက အရိပ်မိုးလိုက်ပုံများ ကြောက်ခမန်းလိလိပါပဲ။ ကျွန်မ ငွေပုံပေါ်မှာစံနေနိုင်တာဘယ်လောက်များ
ကြာသေးလို့လဲ။ ဒါနဲ့တောင် ဒီလိုအဖြစ်ဆိုးမျိုးကြုံရသတဲ့လား။


ကျွန်မမှာ .. ကျွန်မမှာ ကုလို့မရတဲ့ရောဂါဆိုးကြီးရှိနေပြီတဲ့။ HIV ပိုးတွေက ကျွန်မခန္ဓာကိုယ်တစ်ခုလုံး
ကို စီးဝင်ပျံ့နှံ့  နေပြီတဲ့။ လူ့လောကမှာ အသက်ရှင်နေနိုင်ဖို့အခွင့်အရေးကမရှိသလောက်ရှားပါးနေခဲ့ပြီ။
အသက်ရှင်တဲ့ကာလပတ်လုံးမှာ လူဖြစ်ရှုံးစေတဲ့ရောဂါမျိုး ကျွန်မမှာစွဲကပ်နေခဲ့ပြီ။    


အမှားကိုသိတဲ့အချိန်မှာ အရာအားလုံးနောက်ကျသွားခဲ့ပြီ။ နောင်တဆိုတာကို နောက်ကျမှ ကျွန်မ
ရခဲ့ပြီ။ ကျွန်မ ကိုးကွယ်ခဲ့တဲ့ ငွေ။ ကျွန်မ လိုချင်တပ်မက်ခဲ့တဲ့ငွေ။ ဒီငွေတွေ ကျွန်မမှာ အပြည့်အလျှံ
ရှိနေပြီ။ ဒါပေမဲ့ ကျွန်မအတွက် ဒီငွေ တွေက စက္ကူစုတ်လောက်တောင် တန်ဖိုးမရှိတော့ပါလား။
 ကျွန်မ ဘဝကိုတောင် တန်ဖိုးမထားမငဲ့ကွက်ပဲ ငွေကိုအရူးအမူး ရှာခဲ့တာ။ အခုတော့ ဒီငွေတွေက
ကျွန်မအတွက် ဘာများအသုံးဝင်သေးလို့လဲ။  ငွေနောက်လိုက်ခဲ့တဲ့ကျွန်မဘဝ မှောင်မိုက် နက်ရှိုင်း
လွန်းတဲ့အမှောင်ထုထဲ နစ်မြုပ်သွားခဲ့ရတော့တယ်။


 (၂)


ကျွန်မနာမည်က နွယ်နွယ်။ ကျွန်မက ပန်းရောင်းပါတယ်။ မုဆိုးမအမေအိုကြီးနဲ့ အတူတူနေပါတယ်။
ပန်းရောင်းရ တဲ့ငွေလေးက ကျွန်မတို့သားအမိနှစ်ယောက်အတွက်စားလောက်ရုံလေးပေါ့။ အစပိုင်း
မှာအဆင်ပြေနေပေမယ့် အမေက ရောဂါလေးတရှောင်ရှောင်ဖြစ်လာတော့ ငွေလိုပြီပေါ့။ တစ်နေ့ ပန်း
ရောင်း တစ်နေ့စားဆိုတော့ ဘယ်မှာစုဆောင်းထားတဲ့ ငွေ ရှိပါ့မလဲ။ နောက်ဆုံးအမေ့ရောဂါအခြေ
အနေဆိုးလာတော့ အိမ်လေးပေါင်ဖို့ပြင်ရရော။ ပြောမယ့်သာပြောရတယ်။ အိမ်ဆို ပေမဲ့ တဲသာသာမို့
ဘယ်သူမှအပေါင်မခံကြဘူး။ အဲဒီနောက် ကြံရာမရဖြစ်နေတုန်းမှာပဲ ဦးလေးစိန်နဲ့တွေ့ခဲ့တာပေါ့။


ဦးလေးစိန်က အသက်ခြောက်ဆယ်အရွယ်လောက်ရှိတယ်။ ဒါပေမယ့် ရုတ်တရက်ကြည့်ရင် လေး
ဆယ်ကျော် လောက်ပဲထင်ရတယ်။ ချမ်းသာကုံလုံသူဆိုတော့ ဇရာရုပ်ကို ဟန်လုပ်ထားနိုင်တာပေါ့။
 ပြီးတော့ ကိုယ်ပိုင်ကားလေး တစ်စီးလည်းရှိသေးလေရဲ့။ ကျွန်မနဲ့ တွေ့ခဲ့ပုံကလည်း မဆန်းပါဘူး။
ပန်းရောင်းထွက်တဲ့ ကျွန်မနဲ့ ဦးလေးစိန်ရဲ့ကားနဲ့ ပွတ်တိုက်မိသွားတယ်။ အဲဒီကနေစပြီး ဇာတ်လမ်း
စခဲ့တယ်လို့ပြောရမလားပဲ။


ဦးလေးစိန်က ကျွန်မ ကိုအိမ်ပြန်ပို့ပေးရာက ကျွန်မဘဝကို သနားသွားတယ်။ အမေ့ကိုဆေးရုံတင်ပေး
တယ်။ ဆေးဖိုး စရိတ်ကိုအားလုံးကိုခံပေးတယ်။ အားကိုးမဲ့နေတဲ့ ကျွန်မ အတွက်တော့ ဦးလေးစိန်က
အားကိုးစရာရွှေတောင်ကြီးပေါ့။ ဒါပေမဲ့ ပိုက်ဆံသာသောက်သောက်လဲကုန်သွားတယ်။ အမေရဲ့ရောဂါ
ကတော့ မသက်သာလာခဲ့ပါဘူး။ နောက်ဆုံး အမေ လောကကြီးကိုအရှုံးပေးပြီး ကျောခိုင်းသွားခဲ့တယ်။


အမေ ဆုံးတဲ့အချိန်မှာ ဦးလေးစိန် ရှိနေလို့သာပေါ့။ မဟုတ်ရင် ကျွန်မ အရမ်းနာကျင်ကြေကွဲမိမှာအမှန်ပဲ။
 ဦးလေးစိန် ကို ကျွန်မက အဖေတစ်ယောက်လိုအားကိုးခဲ့တယ်။ အမေ ဆုံးပြီး တစ်ပတ်ကြာတော့ ဦးလေး
စိန်က လက်ထပ်ခွင့်တောင်း လာတယ်။ ကျွန်မ အရမ်းအံ့အားသင့်သွားတယ်။ ဦးလေးစိန်နဲ့ ကျွန်မကသား
အဖအရွယ်ကြီးလေ။ ပတ်ဝန်းကျင်က ကျွန်မကို ဘယ်လိုထင်ကြမလဲ။


ကျွန်မကငြင်းတော့ ဦးလေးစိန်က စာရင်းစာရွက်တစ်ရွက်ထုတ်ပြတယ်။ ကျွန်မယူကြည့်လိုက်တော့မှ
အမေ့ရဲ့ ဆေး စရိတ်ဖြစ်နေတယ်။ ကျွန်မ သဘောပေါက်သွားတယ်။ ဦးလေးစိန်က ဒီယုန်မြင်လို့ဒီခြုံထွင်
ခဲ့တာကိုး။ ကျွန်မ အရမ်းနောင်တ ရမိတယ်။ ငါးစာသာမြင်ပြီး ငါးမျှားချိတ်ကိုမမြင်မိတဲ့ ကျွန်မ အပြစ်ပေါ့။
 ကျွန်မ ဦးလေးစိန် ကိုတောင်းပန်ကြည့်တယ်။ ဦးလေးစိန်ကတော့ ခါးခါးသီးသီးပဲ။ လက်မထပ်ရင်
အကြွေးကျေအောင်ဆပ်တဲ့။ ကျွန်မ ဘယ်လို လုပ်ရမလဲ။ ဆပ်ရမယ့် ငွေပမာဏကများလွန်းလှတယ်လေ။


နောက်ဆုံးကျွန်မ ခေါင်းညိတ်လိုက်ရတယ်။ ပတ်ဝန်းကျင်ရဲ့အပုတ်အခတ်စကားတွေကို ကျွန်မ ကြံ့ကြံ့ခံ
နိုင်အောင် ကြိုးစားခဲ့ရတယ်။ ငွေမက်လို့ အဘိုးကြီးကိုတောင်မရှောင်ဘူးတဲ့။ ကိုယ့်အဖေအရွယ်ကိုယူတဲ့
မိန်းမတဲ့လေ။ သူတို့ပြောသမျှ ကျွန်မ ဘာတစ်ခွန်းမှစောဒကတက်ခွင့်မရှိခဲ့ဘူး။ ကျွန်မအကြောင်း ကျွန်မ
ကလွဲလို့ ဘယ်သူသိနိုင်ဦးမှာလဲ။


ဦးလေးစိန်နဲ့ လက်ထပ်ပြီး တစ်လပဲရှိသေးတယ်။ ပြဿနာက မီးခွက်ထွန်းပြီးရှာစရာတောင်မလိုပါဘူး။
သူ့အလိုလို ကိုရောက်လာပြန်တယ်။ ဦးလေးစိန်မှာ မိန်းမရှိတယ်တဲ့။ အဲဒီ မိန်းမကိုယ်တိုင်ရောက်လာခဲ့
တယ်။ ကျွန်မကိုရစရာမရှိအောင် ပြောလိုက်တာများ ကိုယ့်ကိုယ်ကိုသတ်သေပစ်ချင်တဲ့အထိ။ ကျွန်မ
လေ ရှက်လိုက်တာမပြောပါနဲ့တော့။


လင်ခိုးမ။ မယားကြီးငုတ်တုတ် ရှိနေတာသိရက်နဲ့ ကြာခိုတဲ့ ကောင်မ။ ဒီစကားလုံးတွေက ကျွန်မရဲ့
ဘွဲ့ထူးဂုဏ်ထူး တွေပေါ့။ စာနာမှုကင်းမဲ့တဲ့လူတွေရဲ့ ပါးစပ်ဖျားမှာ ကျွန်မဘဝတစ်ခုလုံးစုတ်ပြတ်သွား
ခဲ့တယ်။ ကျွန်မ ဘဝ တစ်ခုလုံး  ဘယ်လိုမှအဖတ်ဆည်လို့မရတော့ဘူး။  အနက်ရောင်ချောက်ကမ်းပါး
အောက်ကိုကျမှန်းမသိကျသွားခဲ့တယ်။ ဘယ်လိုမှ ပြန်တက်ဖို့ ခွန်အားမရှိတော့ဘူး။ ဦးလေးစိန်က
တော့ သူ့မိန်းမခေါ်ရာနောက် တစ်ကောက်ကောက်လိုက်သွားခဲ့တယ်။ ကံဆိုးလှတဲ့ ကျွန်မမှာသာ
ဗီလိန် ဇာတ်ရုပ်ကြီးနဲ့ကျန်ခဲ့လေရောပေါ့ရှင်။


(၃)


လမိုက်ညဆိုတော့ အမှောင်ထုကသိပ်သည်းလွန်းနေတယ်။ ကားမီးရောင်များမြင်မလားဆိုပြီး
 မျှော်ကြည့်မိတယ်။ ဒီနေ့ ကားတွေအလာကျဲသလိုပဲ။ ခါတိုင်းဒီအချိန်ဆို တွက်ခြေကိုက်နေ
လောက်ပြီ။ အခုတော့ လမ်းလျှောက်ရတဲ့ခြေတောက် တွေတောင်ညောင်းနေပြီ။ အလုပ်က
မဖြစ်သေး။


လွယ်ထားတဲ့ စလင်းဘက်အိတ်ကလည်း ဟန်ပြသက်သက်ပဲ။ အထဲမှာငွေနဲ့တူတာဆိုလို့
လိပ်စာကဒ်လေးတွေပဲ ရှိတယ်။ မနေ့က အိမ်ကိုငွေပို့လိုက်တော့ လက်ထဲမှာငွေပြတ်နေပြီ။
 ငွေမပို့လို့လည်းမဖြစ်ပြန်။ ဖုန်းဆက်ပြီး ငွေချည်းတောင်း နေတော့ ရသလောက်လေးရှာပြီး
ပေးလိုက်ရတာ။


တစ်လတစ်လကလည်း အကုန်မြန်လိုက်တာ။ ငွေကလည်း အကုန်အကျများသလားမမေးနဲ့။
ဒါတောင် အိမ်လခ မကုန်သေးဘူး။ သူငယ်ချင်းအိမ်မှာကပ်နေတော့ အဆင်ပြေနေရော။ စား
စရိတ်ကျတော့ မပေးလို့ဖြစ်မလား။ မပေးရင် အိမ်ပေါ်က ခေါင်းနဲ့ဆင်းပြေးရမှာ။


နယ်ကနေ မြို့မှာအလုပ်လာလုပ်တယ်ဆိုတာ ထင်သလောက်မလွယ်ဘူး။ ပညာကလည်း
 ဖြစ်ဖြစ်မြောက်မြောက် မတတ်ပြန်တော့ အလုပ်ရဖို့ကလည်းမလွယ်။ ဒီလိုနဲ့ ငွေနောက်လိုက်
မိပြီး အမှောင်လမ်းထဲ ရောက်မှန်းမသိ ရောက်သွားခဲ့ တယ်။ သူများမျက်ခုံးပေါ်မှာစင်္ကြံ
လျှောက်ရတဲ့အလုပ်ဆိုပေမယ့် ငွေရလွယ်တယ်။ ရတဲ့ငွေကလည်း နင့်နေတာပဲ။ ကောင်း
တဲ့အလုပ်မဟုတ်မှန်းသိပေမယ့် ဂရုမစိုက်တော့ဘူး။ ချိုရင် မြိုပြီး ခါးရင် ထွေးထုတ်လိုက်
တာပဲ။


အစကတော့အဆိုးလှဘူး။ ငွေရွှင်တော့ အဆင်ပြေတာပေါ့။ အခုတလော အဖမ်းအဆီးများပြီး
 အလုပ်ကအဆင်မပြေ ပြန်တော့ ကားတွေအလာများတဲ့ မြို့ပြင်ကဟိုင်းဝေးလမ်းမကြီးပေါ်မှာ
စားကျက်ရှာရပြန်တယ်။ အခုလို အခြေအနေကတော့ အဆိုးဆုံးပဲ။ ခေါက်တုံ့ ခေါက်ပြန်
လျှောက်နေရတာ တစ်နာရီကျော်နေပြီ။ ကားတစ်စီးမှ တောင်ဖြတ်လာတာမမြင်ရဘူး။
နောက်တော့ အဝေးကကားမီးရောင်သဲ့သဲ့ကိုလှမ်းမြင်ရတယ်။ ရင်တွေတောင်တလှပ်လှပ်
တုန်လာတယ်။ ဈေးဦးတော့ပေါက် ပြီထင်ပါရဲ့။


ဝမ်းသာမယ်လို့မကြံရသေးဘူး။ ကားနဲ့နီးလာတယ်ဆိုရင်ပဲ ပီးပေါ် ပီးပေါ်ဆိုတဲ့ အသံကိုကြား
လိုက်ရတယ်။ ကားက ရဲကားဖြစ်လို့နေတယ်။ ဒါကြောင့် ချုံပုတ်တစ်ခုနောက်ကို အသာလေး
ဝင်ပုန်းလိုက်ရတယ်။ ဘယ်နေရာမှာများ အမှုဖြစ်လို့လဲ မသိဘူး။ ဘုရား .. ဘုရား .. ကံသီပေ
လို့။ နို့မဟုတ် ရဲကားကိုတားလိုက်မိလို့ကတော့ မိရွှေကျော့တို့ ထောင်ထဲကိုကော့ကော့ လေး
ဝင်သွားရမှာ။ စဉ်းစားလိုက်တိုင်း ကြက်သီးတောင် တဖြန်းဖြန်းထမိတယ်။


နောက်တော့ သိပ်အရဲစွန့်လို့မရဲတော့ဘူး။ မျက်လုံးကိုပြူးပြီး သေသေချာချာလေးကြည့်ရတယ်။
 ဟော အဝေးက ကားမီးရောင်သဲ့သဲ့ကိုမြင်ရပြန်ပြီ။ ဒီတစ်ခါတော့ ပေါ်ပေါ်ထင်ထင်ပဲလမ်းမပေါ်
ထွက်ရပ်လိုက်တယ်။ ကားက ကုန်ကားဖြစ် နေတာကိုး။ မကြာပါဘူး။ နားယဉ်နေတဲ့ ကားဘရိတ်
အုပ်သံကိုကြားလိုက်ရတယ်။ အဲဒီနောက်မှာတော့ စိတ်မရှည်တဲ့ စကား သံခပ်ကြမ်းကြမ်းက
နောက်ဆက်တွဲအဖြစ်ထွက်ပေါ်လာတယ်။


“ ဟေ့ ကားလမ်းမပေါ်ထွက်ရပ်နေတာ မသာပေါ်သွားချင်လို့လား၊ ဒီမှာအေးအေးလူလူ တရားခွေ
ဖွင့်ပြီးကားမောင်း နေပါတယ်ဆိုမှ၊ စားနေကျကြောင်ဆိုရင်လည်း နောက်ကားကိုမျှော် ”  


အဆင်မပြေတဲ့အခါများ ဆက်တိုက်ကိုအဆင်မပြေပြန်။ အဲဒီလိုသမာဓိသိက္ခာရှင်တွေနဲ့ကျတော့
လည်း အလုပ်က မဖြစ်။ ကားမောင်းတာများ တရားခွေဖွင့်သလေး ဘာလေးနဲ့ ကြီးကျယ်နေလိုက်
တာ။ ဟွန်း .. သွားပေါ့။ သူ့ကားတစ်စီး တည်းလာမှာကျလို့။


ငွေ .. ငွေ .. လောကမှာ ငွေလောက်အရေးကြီးတာ ရှာလို့ကိုမတွေ့ဘူး။ အသုံးလွယ်သလောက်
ရှာရခက်တဲ့ငွေ။ ငွေမရှိဘဲ အသက်ရှင်ရတဲ့ဘဝလောက် လူဖြစ်ရှုံးတာမရှိဘူး။ တကယ် ..။ ဟော ..
 ငွေအကြောင်းစဉ်းစားနေတုန်း ကားမီး ရောင်တွေ့ပြန်ပြီ။ ဒီတစ်ခါ တော့ကံကောင်းပါစေ။
ဆုတောင်းတဲ့အတိုင်းကွက်တိပဲ။ တန်ဖိုးကြီးတဲ့ကားတစ်စီးက အနားမှာ ထိုးရပ်လာတယ်။
နွဲ့နှောင်းတဲ့အမူရာနဲ့ ကားဆီလျှောက်သွားလိုက်တယ်။ ကားထဲမှာ သက်လတ်ပိုင်းအရွယ်
လူတစ်ယောက်။ ပုံစံကတော့ ရေလျှံနေတဲ့ပုံပဲ။ ယောက်ျားတန်မဲ့ ရွှေကြိုးနဲ့ လက်စွပ်နဲ့။ အင်း
ကံကတော့ ကောင်းစပြုလာပြီ။


မကြာပါဘူး နှစ်ယောက်သားအပေးအယူတည့်သွားတယ်။ ကားပေါ်တက်ထိုင်လိုက်တော့ ကား
ကငြိမ့်ခနဲ မောင်း ထွက်သွားတယ်။ စီးဖူးတဲ့ကားတွေထဲမှာ ဒီတစ်ခါစီးရတဲ့ကားက အကောင်း
ဆုံးပဲ။ အဘေးမှာချထားတဲ့ အိတ်ကြီးကလည်း ဖောင်းပွလို့။ ဒီတစ်ခါရတဲ့သားကောင်ကတော့
အချီကြီးပဲ။


ကိုယ့်အတွေးနဲ့ကိုယ်ကျေနပ်နေတုန်း ကားကထိုးရပ်သွားတယ်။ ပတ်ဝန်းကျင်ကိုဝေ့ဝဲကြည့်
လိုက်တော့ မျက်လုံးပြူး သွားမိတယ်။ ကားကဘာဖြစ်လို့ ရဲစခန်းရှေ့မှာရပ်ထားရတာလဲ။ ရင်က
 ထိတ်ကနဲတုန်သွားတယ်။


“ ကဲ အမိ ဆင်းတော့၊ သတင်းကြားနေတာကြာပြီ၊ အခုမှပဲ လက်ရဖမ်းမိတော့တယ် ”  


ဂျောက်ခနဲ အသံနဲ့အတူ လက်နှစ်ဖက်က စတီးလက်ကောက်နဲ့မိတ်ဆက်သွားတယ်။ ဘုရားရေ ..
ကယ်တော်မူပါ။  ငွေနောက်လိုက်ခဲ့တဲ့ မိရွှေကျော့ ။ အခုတော့ သံတိုင်နောက်ကို ကော့ကော့လေး
ဝင်ရတော့မယ်။ ကိုယ့်ကိုယ်ကို မုဆိုးလို့ ထင်ခဲ့တာ။ အခုမှ သားကောင်ဖြစ်မှန်းသိခဲ့ရတယ်။
အမှောင်လမ်းကိုမှရွေးလျှောက်ခဲ့မိတဲ့ မိရွှေကျော့။ အခုတော့ ဘဝလမ်း က ခြေရာလည်းပျောက်
ရေလည်းနောက်ခဲ့ရပြီ။


 (၄)


ငွေကို လူတိုင်းလိုချင်ကြတယ်။ ဒီတော့ ကောင်းတာရော မကောင်းတာရောလုပ်ပြီးငွေရှာကြတယ်။
 ဖြတ်လမ်းကရှာ သလို လွယ်တဲ့နည်းနဲ့လည်း ငွေနောက်ကိုလိုက်တတ်ကြတယ်။ ဒါပေမဲ့ လောဘ
ရမ္မက်ကြီးပြီးတပ်မက်လွန်းကြရင် ငွေဆိပ် သင့်တတ်တယ်။ လူတွေငွေဆိပ်သင့်ရင် ကုဖို့ဆေးမရှိ
တော့ဘူး။ ငွေပုံကြီးကိုမြင်ရင် လောဘစိတ်နဲ့ စိတ်ချမ်းသာကြတယ်။ ငွေတစ်ကျပ်လျော့ရင် သောက
စိတ်နဲ့ စိတ်ဆင်းရဲကြတယ်။ နောက်ဆုံးတော့လည်း ငွေနောက်လိုက်ရင်း လူတွေရဲ့ဘဝ အဆိပ်သင့်
သွားတတ်ကြတာပါပဲ။


                                                            ခင်မင်လေးစားစွာဖြင့်

တစ္ဆေခြောက်သောနေ့ရက်များ


နင် ရူးနေပြီ မြသွေး တဲ့။ ထိုစကားတစ်ခွန်းက နားထဲသို့ခပ်ပြင်းပြင်းတိုးဝင်လာ၏။ မြသွေး ရူးနေပြီတဲ့။
 မြသွေး ကိုယ့်ကိုယ်ကိုပြန်ဆန်းစစ်ကြည့်မိ၏။ ဟုတ်သည်..။ သူတို့ပြောသလို မြသွေး ရူးနေခဲ့ပြီ။ မြသွေး
သူ့ကို အရမ်းသတိရ နေသည်။ အရမ်းလည်း ချစ်မြတ်နိုးသည်။ ထိုသို့ဖြစ်နေခြင်းက မြသွေးကို အရူး
တစ်ယောက်ဖြစ်မှန်းမသိဖြစ်ခဲ့ခြင်းပင်။ နှလုံးသားကိုရစ်နွယ်လာသည့်ကြိုးဆိုတာက အချည်လွယ်သ
လောက်အဖြတ်ခက်သည်မဟုတ်လား။ ထိုကြိုးကိုမဖြတ် နိုင်သရွေ့ မြသွေး ရူးနေရဦးမည်။ အခုချိန်အထိ
လည်း မိုက်မဲစွာ ရူးသွပ်နေဆဲပင်ဖြစ်လေသည်။


(၁)


အချစ်ဆိုတာ ပင်လယ်ရေလို သောက်လေသောက်လေငတ်မပြေနိုင်ဘူးတဲ့။ အချစ်က နူးညံ့သိမ်မွေ့သည်။
ဝိုင်တစ်ခွက်လိုလည်း ယစ်မူးစွာဖျားယောင်းတတ်သည်။ အချစ်နှင့်တွေ့လျှင် မာကျောနေသည့်နှလုံးသားက
နူးညံ့ သွားတတ်သည်တဲ့။ သူငယ်ချင်းတွေပြောသည့် အချစ်၏ဒဿနတွေအကြား မြသွေး၏ ဟားတိုက်ရယ်
မောသံများက အက်ကြောင်းထပ်ခဲ့ဖူး၏။ သူတို့ပြောသော အချစ်အကြောင်းသည် မြသွေးအတွက် ရယ်စရာ
ပြက်လုံးတစ်ခုထက်မပိုခဲ့ပါ။ အချစ်ဆိုတာများ ဖြူသလား မည်းသလား မြသွေး မသိပါ။ စိတ်ဝင်တစားလည်း
 မတွေးကြည့်ဖူးခဲ့ပါ။ မဟာသိပ္ပံဘွဲ့အတွက် စာတွေနှင့်လုံးပန်းနေရသည့် မြသွေးခေါင်းထဲတွင် စာမှလွဲ၍
အချစ်နှင့်ပတ်သက်သည့်အရာဟူသမျှ ရှိမနေခဲ့ပါ။


လက်ချင်းချိတ်၍တွဲသွားနေသည့်ချစ်သူစုံတွဲများအား အရူးတွေဟူ၍ ပျစ်ပျစ်နှစ်နှစ်ဝေဖန်ခဲ့ဖူးသည်။ သူငယ်
ချင်းတွေ ချစ်သူရသွားလျှင်လည်း အပူရှာကြသူတွေဟု မှတ်ချက်ပေးခဲ့ဖူးသည်။ “နင်တစ်နေ့တော့သိလာမှာပါ
မြသွေး”  ဟူသောသူငယ်ချင်းတွေ၏စကားကိုလည်း ပြက်ရယ်ပြုခဲ့သည်မှာလည်း အကြိမ်ကြိမ်။ တစ်ယောက်
တည်းနေ၍မှ ခန္ဓာ ငါးပါးနှင့်ပူလောင်နေရသည့်အထဲ အချစ်ကိုအကြောင်းပြုပြီးနှစ်ယောက်တစ်ဘဝသာဖြစ်
လာခဲ့လျှင် ခန္ဓာဆယ်ပါးနှင့် ဘယ်လောက်များပူလောင်လိမ့်မလဲ။ အချစ်ဆိုတာ ကြာလာတော့ အပြစ်တွေဖြစ်
မလာဘူးလို့ ဘယ်သူပြောနိုင်လဲ။ ကိုယ့်တစ်တွေး ကိုယ့်အယူအဆနှင့် ပြတ်သားစွာနေလာခဲ့သည့် မြသွေးပါ။


 ငြိမ်သက်နေသည့်ကန်ရေပြင်ကို ခဲတစ်လုံးပစ်ချလိုက်၍ ဂယက်ထသလိုမျိုးလား။ လေပြည်ညင်းတွေဆော့
ကစားသည့်အခါ သစ်ရွက်ကလေးတွေ ရှက်သွေးဖြာသွားသလိုမျိုးလား။ ပင်လယ်ပြင်တွင် ငွေလှိုင်းဖြူများ
ရင်ခုန်မြူးထူးစွာ ကခုန်နေသလိုမျိုးလား။ မြသွေး မတွေးတတ်ပေမယ့် သူနှင့်တွေ့သည့်နေ့က မြသွေး ထိုသို့
ဖြစ်ခဲ့ပါသည်။


နွေရာသီ၏ပူပြင်းသည့်နေ့လည်တွင် အအေးဆိုင်တစ်ဆိုင်၌ သူနှင့်ဆုံခဲ့ပါသည်။ မြသွေး၏မျက်နှာချင်းဆိုင်ဝိုင်း
တွင် ထိုင်နေသောသူ့ကို မြသွေး သတိလက်လွတ်ကြည့်နေမိခဲ့၏။ သူနှင့်အကြည့်ချင်းဆုံတော့ မြသွေး ရင်ခုန်
သွားမိသည်မှာ တားချိန်မရလိုက်ပါ။


သူက မြသွေးထက်အသက်ကြီးမည်ထင်ရ၏။ သူ့အကြည့်တွေက မကြာမကြာ မြသွေးဆီရောက်လာ၏။ မြသွေး
 ရင်ထဲမှာလည်း မြင်းရိုင်းတစ်ကောင်လို ခုန်ပေါက်ပြေးလွှားလို့။ သူ့ရှေ့တွင် ရှက်ကိုးရှက်ကန်းနှင့် မနေတတ်
အောင်ဖြစ်မိ၏။ သူက မြသွေးအဖြစ်ကို သဘောကျသလိုပြုံး၏။ သူ့အပြုံးတွင် မြသွေး တဒင်္ဂနစ်မျောသွားခဲ့ရ
သည်။သူငယ်ချင်းတွေရှေ့တွင် ဟန်မပြက်နေခဲ့ပေမယ့် နှလုံးသားတစ်ခုအရောင်ပြောင်းလုလုဖြစ်နေခဲ့၏။
အကြည့်တစ်ချက်နှင့် မူးမူးမိုက်မိုက်ဖြစ်ခဲ့ရတာ အချစ်များလား။  မြသွေး အရင်ကပြောခဲ့သလို မြသွေး ရူးနေ
ပြီထင်သည်။ ဟုတ်သည်။ သူ့ကြောင့် မြသွေး အချစ်ရူး တစ်ယောက်ဖြစ်ခဲ့ရလေပြီ။


(၂)


နောက်တစ်ခါ သူနှင့်ထပ်တွေ့ရသောအခါ မြသွေး အနားတွင် သူငယ်ချင်းတွေမရှိ။ မှတ်တိုင်တွင်ဘတ်စ်ကား
စောင့်နေစဉ် အရိပ်တခုကျလာသဖြင့်ကြည့်လိုက်သောအခါ သူ ဖြစ်နေ၏။ သူ့အပြုံးက မြသွေး အပေါ်တွင်
 ဖော်ရွေရင်းနှီး လွန်းနေခဲ့၏။


“ ကိုယ် မင်းနဲ့ခဏလောက်စကားပြောချင်တယ်၊ ခွင့်ပြုမလား ” 


မြသွေး ခေါင်းညိတ်လိုက်မိတာ မှားသွားလား။ တစ်ခါသာမြင်ဖူးသည့်ယောကျာ်းတစ်ယောက်၏စကားကို
လွယ်လင့်တကူလက်ခံလိုက်သည့်အတွက် မြသွေး မှားသွားမှန်းသိ၏။ သို့သော် ကိုယ့်နှလုံးသားကိုတော့
ကိုယ် မညာရက်နိုင်တော့။ နှလုံးသားတွင် တိတ်တခိုးစူးဝင်နေသည့်မြှားတစ်ချောင်းကို မြသွေး လျစ်လျူ
မရှုနိုင်အောင်ဖြစ်မိ၏။ အနီးတွင်ရှိသည့် အအေးဆိုင်ထဲတွင် သူနှင့်ဝင်ထိုင်ဖြစ်ခဲ့၏။


“ ကိုယ် မြသွေးကိုမေ့လို့မရဘူးဖြစ်နေတယ်၊ ဒါကြောင့် မြသွေးနောက်ကိုအရိပ်လိုလိုက်နေခဲ့တာ၊ ကိုယ့်
အချစ်ကို လက်ခံနိုင်မလားဟင် ” 


ရင်ခုန်သံကိုထိန်းချုပ်ရင်း မြသွေး နှုတ်ဆိတ်နေမိ၏။ အိုင်တီခေတ်တွင် မြသွေးနာမည်ကို သူသိနေသည်က
 အထူးအဆန်းတစ်ခုလို့မထင်မိတော့။ သူ့စကားလုံးများက ကျွန်မနားထဲဖျောက်ရခက်နေ၏။ ကျွန်မ အချစ်
ရူးရူးနေခဲ့  သည်မှာ ဆိုင်ထဲအထိလိုက်ပြီးရည်းစားစကားပြောခံရသည်ဟုလည်း ရှက်ရကောင်းမှန်းမသိ။
 အခုမှတွေ့သည့် လူ တစ်ယောက်ကို ယုံသင့်မယုံသင့်ဆိုတာလည်း ချင့်ချိန်နိုင်စွမ်းမရှိ။ နှလုံးသား၏ကွက်
လပ်တစ်ခုကို ဖြည့်စွက်ရန် အသင့်ဖြစ်နေခဲ့၏။


“ ကိုယ့်အချစ်ကိုလက်ခံပေးပါလား မြသွေးရယ် ” 


ဒီတစ်ခါခေါင်းညိတ်လိုက်မိသည်က နှလုံးသား၏ဆန္ဒအတွက် မြသွေး လိုလိုလားလားလက်ခံခဲ့ခြင်းဖြစ်၏။
မိန်းကလေးသဘာဝ ရှက်တာလေးရှိပေမယ့် နှလုံးသားကိုထိန်းချုပ်နိုင်စွမ်းမရှိခဲ့။ အညှာလွယ်လွန်းသည်ဟု
လည်း မမြင်မိတော့။ ချစ်တာကို ချစ်တာဟု ရိုးရိုးလေးပင်ခံစားခဲ့၏။ ပျော်ရွှင်သွားသည့် သူ့မျက်နှာပေါ်တွင်
 မြသွေး အား အထင်သေးရိပ်တို့ရှိမနေပါ။ လမ်းတစ်ခုမှာတွေ့ပြီး ရည်းစားတွေဖြစ်သွားကြသည်မှာ ရှေးရှေး
တုန်းကရိုးရိုးပုံပြင်လေး တစ်ပုဒ် ဖြစ်ချင်ဖြစ်မည်။ မြသွေး အတွက်တော့ ဆန်းကြယ်သည့်အိပ်မက်တစ်ခု
မက်ခွင့်ရခဲ့လေသည်။


ထိုနေ့က သူနှင့်ဘတ်စ်ကားအတူစီးရသည်မှာ ပို၍အဓိပ္ပါယ်ရှိသည်ဟုထင်မိ၏။ သူငယ်ချင်းများနှင့်သာ
 ရောက်ဖူးသည့်ပန်းခြံကိုလည်း သူနှင့်အတူသွားခဲ့၏။ သူက မြသွေးထက် လေးနှစ်ကြီးသည်မို့ မြသွေးကို
 သည်းသည်းလှုပ်ချစ်၏။ မြသွေးလည်း သူ့အပေါ်အားကိုးတွယ်တာလွန်းခဲ့၏။


မြသွေးတို့၏ ချစ်သူသက်တမ်းနည်းနည်းကြာမြင့်လာသောအခါ သူ့အပေါ် ချစ်စိတ်သာမက မြတ်နိုးတန်ဖိုး
ထား မှုတို့လည်းတိုးလာရ၏။ အရင်ကလို တစ်ကိုယ်တော် ဗယ်လင်တိုင်းလည်းလုပ်စရာမလိုတော့ပါ။
ချစ်သူများနေ့တွင် သူနှင့်အတူဖြတ်သန်းရသည်ကပင် အဓိပ္ပါယ်တချို့ပျော်ဝင်နေခဲ့ရသည်။ သူ အလုပ်
ကိစ္စနှင့် ခရီးထွက်သည့်အခါတိုင်း မြသွေး ပြင်းပြစွာလွမ်းဆွတ်တတ်ခဲ့သည်။ ချစ်မိတော့လည်း ခဏ
လေးတောင် မဝေးချင်မိတော့ပါ။ နေရာတိုင်းတွင် သူ့ပုံရိပ်တို့ကိုသာ မြင်ယောင်တမ်းတနေမိသည်ကို
ပိုလွန်းသည်ဟုလည်းမထင်ချင်တော့ပေ။ သူ ခရီးသွားသည့်အခါတိုင်း စာကျက်၍လည်းမရခဲ့။ သူ့
အကြောင်းတွေသာ တွေးမိ လာသည်နှင့်အမျှ တချို့သောကိစ္စများကို လျစ်လျူရှုချင်လာမိခဲ့သည်။


အတန်းပျက်သည့်အချိန်တွင် သူငယ်ချင်းများကို လိမ်တတ်လာသလို အိမ်ပြန်နောက်ကျသည့်အချိန်တွင်
မိဘတွေ ကို အကြောင်းပြချက်မျိုးစုံပြတတ်လာသည်။ အချစ်ကြောင့် လိမ်ညာရသည်ကိုပင် တစ်မျိုးခံစား
၍ကောင်းသည်ဟု မြသွေး ထင်မိခဲ့သေး၏။အရင်က စာနှင့်သာလုံးချာလိုက်နေခဲ့သောဦးနှောက်ထဲတွင်
သူ့အကြောင်းတွေ ခပ်စိပ်စိပ်လေးစိုးမိုးလာခဲ့သည်။ အတန်းထဲတွင်ထိပ်ဆုံးကရပ်တည်နိုင်ခဲ့သောပညာ
ရေးကတဖြည်းဖြည်းဆုတ်နစ်လာသည်ကိုတော့ အချစ်ကြောင့်ဟု ခေါင်းစဉ်မတပ်ချင်မိပေ။ အချစ်ကြောင့်
ရူးသွပ်နေကြသူများထဲတွင် တစ်ယောက်အပါအဝင်ဖြစ်နေသည်ကိုပင် မြသွေး လိုလိုလားလားလက်ခံ
တတ်ခဲ့ပြီဖြစ်သည်။


(၃)


ဒီနေ့လည်း မြသွေး အတန်းလစ်ခဲ့ပြန်သည်။ သူငယ်ချင်းတွေကိုတော့ နေမကောင်းချင်၍ဟုသာ ဆင်ခြေ
ပေးခဲ့ရသည်။ သို့သော် သူငယ်ချင်းတွေက ယုံကြည်ဟန်တော့မပြ။ မြသွေး ခြေလှမ်းပျက်နေသည်ကို ရိပ်မိ
ချင်သလိုလို ဖြစ်နေကြပြီထင်သည်။ သူ ခရီးသွားရာက ပြန်ရောက်လာခဲ့ပြီ။ သူနှင့်မတွေ့ဖြစ်သည့်နေ့ရက်
များတွင် မြသွေး ပြင်းပြစွာ သတိရတမ်းတနေမိခဲ့ကြောင်း သူ့ကိုပြောပြချင်သည်။ သူ့ရင်ခွင်နွေးနွေးထဲတွင်
ခိုဝင်အလွမ်းဖြေချင်သည်။


သူနှင့်မြသွေး ပန်းခြံထဲတွင် လက်ချင်းချိတ်ကာ တွဲလျှောက်လာခဲ့သည်။ တစ်ချို့သော စုံတွဲများ၏ မဖွယ်
မရာ ပြုမှုကိုမြင်ရတော့ မြသွေး မျက်နှာပင်လွှဲလိုက်မိ၏။ ရဲတင်းလှချည်ရဲ့ဟုတွေးမိသလို စိတ်ထဲမှလည်
း ကဲ့ရဲ့ရှုံ့ချသွားမိသည်။ ဤသို့သောနေရာများက မြသွေးနှင့် စိမ်းသက်လှပါသည်။ သူနှင့် ပန်းခြံသို့ရောက်
လာခဲ့သည်မှာလည်း ပထမဆုံးအကြိမ်ဖြစ် သည်။ နေရာတိုင်းတွင် စုံတွဲများရှိနေခဲ့သည်။ အေးဆေးစွာ
စကားပြောခြင်းထက် အမြင်ရိုင်းသောအပြုအမူမျိုးကိုမြင်ရသည့် အတွက် မြသွေး ပန်းခြံထဲမှပင်ထွက်ပြေး
ချင်စိတ်ပေါက်လာခဲ့သည်။


သစ်ပင်ကြီးတစ်ပင်အောက်ရှိ ခုံတန်းလေးပေါ်တွင် သူနှင့်မြသွေး ဝင်ထိုင်လိုက်သည်။ သူက ခရီးသွားသည့်
အချိန်တွင် မြသွေးကို ဘယ်လောက်သတိရကြောင်းပြောနေခဲ့သည်။ သို့သော် မြသွေးသည် သူ့စကားတို့ကို
 နားထဲတွင် မကြားတစ်ချက် ကြားတစ်ချက်ဖြစ်နေခဲ့၏။ မြသွေးတို့ကို ဘယ်သူတွေက ဘယ်လိုထင်သွားကြ
မလဲဟု စိုးရိမ်စွာတွေးမိတော့ သူနှင့်ခပ်ခွာခွာလေးထိုင်မိခဲ့၏။ သို့သော် သူက မြသွေး အနားသို့တိုးလာကာ
လှမ်းပြော၏။


“ မြသွေးကို အရမ်းလွမ်းတာပဲကွာ၊ မြသွေးနဲ့ နီးချင်လှပြီ ” 


လှိုက်မောတုန်ရီနေသည့်စကားသံအဆုံး သူ့လက်တွေက မြသွေး ပခုံးပေါ်ခပ်ဖွဖွလေးရောက်လာခဲ့သည်။
 ပြီးနောက် တင်းကြပ်သောချည်နှောင်မှုမျိုးဖြင့် သူ ပွေ့ဖက်လာခဲ့သည်။ သူ့မျက်နှာသည် တဖြည်းဖြည်းနှင်
့ မြသွေး မျက်နှာဆီသို့ပူးကပ် လာခဲ့သည်။ မြသွေး ခေါင်းထဲတွင် အချက်ပေးသံတို့ဆူညံစွာ မြည်ဟည်း
လာခဲ့သည်။ မျက်လုံးထဲတွင်လည်း တခြားသော စုံတွဲများကိုမြင်ယောင်မိရင်း ရှက်စိတ်တို့တရိပ်ရိပ်တက်
လာခဲ့သည်။


“ ကို .. မြသွေးတို့စကားပြောကြရအောင်နော် ” 


နီးကပ်လာသည့်သူ့မျက်နှာကိုရှောင်ရှားလိုက်ရင်း မြသွေး စကားစလိုက်မိသည်။ မြသွေး စိတ်ထင်၍လား
 မပြောတတ်ပေ။ သူ့မျက်နှာပျက်သွားသလိုထင်လိုက်ရသည်။ သူမျက်နှာမကောင်းတော့လည်း မြသွေး
လှုပ်လှုပ် ရှားရှားဖြစ်သွားရပြန်သည်။


“ ပြောလေ မြသွေး၊ ကိုယ်ကတော့ မြသွေးကိုပဲတစိမ့်စိမ့်ထိုင်ကြည့်နေချင်တယ် ” 


သူက မြသွေးလက်လေးကိုကိုင်၍ လှမ်းပြော၏။ ဒီတစ်ခါတော့ မြသွေး မရုန်းမိတော့ပါ။ လက်ကလေး
ကိုင်ရုံ လောက်တော့ မြသွေး ခွင့်ပြုနိုင်ပါသည်။ သို့သော် သူသည် လက်ကိုင်ရုံမျှဖြင့် ရောင့်ရဲကျေနပ်
မသွားခဲ့ပေ။ မြသွေးကို သူ့ရင်ခွင်ထဲဆွဲပွေ့ခဲ့ပြန်သည်။ မြသွေး ရုန်းလိုက်မိသော်လည်း သူက တင်းကြပ်
စွာပွေ့ဖက်ထားဆဲပင်။ ရှက်ရွံ့စိတ်သည် မြသွေးတစ်ကိုယ်လုံးသို့ စီးဝင်ပျံ့နှံ့လာခဲ့သည်။


“ အဲလိုမလုပ်ပါနဲ့ ကို၊ မြသွေးကိုလွှတ်ပါ ” 


သူ့ရင်ခွင်ထဲကနေ မြသွေး အတင်းရုန်းထွက်လိုက်မိသည်။ မြသွေး မျက်နှာပေါ်တွင် ရှက်စိတ်ကြောင့်
နီမြန်းနေခဲ့ သလို သူ့မျက်နှာပေါ်တွင်လည်း အလိုမကျရိပ်တို့ယှက်သန်းလာခဲ့သည်။ မြသွေးက မြန်မာ
မိန်းကလေးမို့ ထိန်းသိန်းရမည့် သိက္ခာကိုနားလည်တတ်ဖိုးထား၏။ သူ့ကို မြသွေး အရမ်းချစ်ရပါသည်။
သို့သော် အချစ်နှင့် ဘ၀အကြား ကွဲပြားမှုမရှိစေရန်  မြသွေး ဂရုစိုက်ဆင်ခြင်ရပေမည်။


“ ကို .. မြသွေးတို့ပြန်ကြရအောင်နော် ” 


မြသွေး စကားအဆုံး သူ့မျက်နှာပျက်သွားခဲ့သည်။ သူမျက်နှာပျက်သွားလျှင် မြသွေး စိတ်မကောင်းဖြစ်ရ
ပါသည်။ ၀မ်းလည်းနည်းရသည်။ ဒီတစ်ခါ သူနှင့် မြသွေးတို့ ပထမဆုံး သဘောထားကွဲလွဲခဲ့ခြင်းဖြစ်သည်။
သူက မြသွေးကို စိတ်ဆိုး နေဟန်တူသည်။ စကားလည်းကောင်းကောင်းမပြောတော့ပေ။ ထိုနေ့က သူနှင့်
တွေ့ဆုံခြင်းက မြသွေးအတွက် မွန်းကြပ်မှု တစ်ချို့အစားဝင်ရောက်ခဲ့ရလေသည်။


(၄)


ခေါင်းကိုအသေခါရမ်းကာ လက်မခံသည့် မြသွေးကို သူငယ်ချင်းတွေကစိတ်ပျက်သလိုကြည့်၏။ မြသွေး
လုံးဝ လက်မခံနိုင်သည့်ကိစ္စတစ်ခုကို လွယ်လင့်တကူခေါင်းမညိတ်ချင်ပါ။ သူက သူငယ်ချင်းတွေထင်
သလို လူစားမျိုး မဖြစ်နိုင် ပါဟု မြသွေး လုံးဝတစ်ထစ်ချယုံကြည်၏။


“ နင့်ကို မယုံလည်းနေပေါ့လို့ ဖြစ်သလိုမထားခဲ့နိုင်တာ ငါတို့က နင့်ရဲ့သူငယ်ချင်းဖြစ်နေလို့ပဲ မြသွေး၊
သူငယ်ချင်း ဆိုတာ လိုရင်လာ မလိုရင်သွားဆိုတဲ့လူစားမျိုးမဟုတ်ဘူး၊ နင်လည်း ဦးနှောက်ရှိတဲ့
လူသားတစ်ယောက်ပဲ၊ စဉ်းစားပေါ့ ” 


မယုံဘူးဆိုပြီးခေါင်းခါနေသည့် မြသွေးရင်ထဲဘယ်လောက်ဗြောင်းဆန်နေပြီလဲဆိုတာ မြသွေး အသိဆုံး။
မယုံနိုင်ခြင်းထက် မယုံရဲခြင်းက ပို၍အလေးသာနေ၏။ အခုတလော သူနှင့်မတွေ့ရသည်မှာ ဆယ်ရက်
လောက်ရှိခဲ့ပြီ။ မြသွေးနှင့် ပန်းခြံတွင် ဆုံခဲ့ပြီးသည့်နောက်ပိုင်း သူက မြသွေးကို ရှောင်နေခဲ့၏။ သူ့စိတ်ထဲ
တွင် မြသွေးကို မည်သို့ သဘောထားသည်မသိ။ သူ့အလိုကိုမလိုက်ခြင်းအတွက် မြသွေးကို စိတ်ခုနေခြင်း
လည်းဖြစ်နိုင်၏။ သို့သော် မြသွေးကတော့ သူ့ကိုချစ်နေမိဆဲဖြစ်သည်။ သူ့အကြောင်းတွေ ပြောလာခဲ့
သည့်တိုင် မြသွေး သူ့အတွက် ကာကွယ်ပေးမိနေ ဆဲဖြစ်သည်။


“ ကိုကအဲဒီလိုလူစားမျိုးမဟုတ်ဘူး နှင်း၊ ကိုက ငါ့ကိုအရမ်းချစ်တာ ” 


“ နင်ရူးနေပြီ မြသွေး၊ နင် အဲဒီလိုမိုက်တွင်းနက်လိုက်ရင် ဆုံးရှုံးရမှာက နင့်ဘဝတစ်ခုတည်းမဟုတ်ဘူး ” 


မြသွေး ရူးနေပြီတဲ့။ တကယ်လည်း မြသွေး ရူးသွားချင်ခဲ့သည်။ အချစ်ကလွဲပြီး ဘာတစ်ခုမှမမြင်နိုင်အောင်
 မြသွေး ရူးသွပ်နေခဲ့ပြီ။ မျက်ကန်းတစ္ဆေမကြောက်ဆိုတဲ့စကားအတိုင်း မြသွေး မျက်လုံးအစုံကန်းသွားခဲ့
လျှင် အကောင်း သား။ ပိုးဖလံလို မီးကိုတိုးဖို့အသင့်ရှိနေခဲ့သည့် မြသွေးကိုကြည့်ပြီး သူငယ်ချင်းတွေက
မချင့်မရဲ့အံကြိတ်၏။


“ နင် အဲဒီလိုလုပ်နေလို့မဖြစ်ဘူးနော် မြသွေး၊ နင် တစ်ခုခုဆုံးဖြတ်ရမှာ ” 


“ ငါ မယုံဘူးလို့ပြောပြီးပြီပဲ နှင်း၊ ကိုကအဲဒီလိုလူစားမျိုးလည်းမဟုတ်ဘူး၊ ကိုက ငါ့အပေါ် ဒီလိုလုပ်
ရက်မှာ မဟုတ်ဘူး ” 


ဟွန်းခနဲမဲ့ကျသွားသည့်သူငယ်ချင်းတွေ၏မျက်နှာက သရော်လိုသည့်အမူအရာမဟုတ်မှန်းသိ၏။
တစ်ခုခု ကိုပိုင်နိုင်စွာသိထားသည့်အတွက် သနားသလိုမျိုး။


“ နင် ဆက်ပြီးတွေဝေမနေနဲ့တော့ မြသွေး၊ နင် ယုံအောင်ငါတို့ သက်သေပြမယ်၊ နင် ကိုယ်တိုင်
လက်တွေ့မြင်ပြီး လို့မှတားမရရင်တော့ နင့်လောက်မိုက်ပြီး ရူးတဲ့သူ ကမ္ဘာမှာရှိတော့မှာမဟုတ်ဘူး ”


နှင်းက မြသွေးလက်ကိုအတင်းဆွဲခေါ်၏။ ဒီတစ်ခါတော့ မြသွေး ငြိမ်သက်စွာပင်လိုက်လာခဲ့၏။
တက္ကစီပေါ် တက်လိုက်သည်အထိ မြသွေး စိတ်တွေကဆောက်တည်ရာမရပျံ့လွင့်နေဆဲဖြစ်၏။
မြသွေး မျက်လုံးအစုံကိုပိတ်ကာ အတွေးပေါင်းစုံ နယ်ချဲ့ရင်းပါလာခဲ့၏။ ကားက တသိမ့်သိမ့်ထိုး
ရပ်သွားသည့်တိုင်အောင် မြသွေး မျက်လုံးမဖွင့်မိသေးပေ။


“ နင်ကြည့်လိုက် မြသွေး ” 


နှင်း၏အသံက သေချာပိုင်နိုင်လွန်းသည့်အသံမျိုး။ မြသွေး မျက်လုံးကိုဖွင့်ကြည့်လိုက်၏။ မြသွေး
သာ မရူးသေး ဘူးဆိုလျှင် ထိုမြင်ကွင်းကအမှန်တရားတစ်ခုမှန်းလက်ခံနိုင်၏။ အခုတော့ ထို
အမှန်တရားကိုလက်မခံချင်လောက်အောင် မြသွေး ရူးသွပ်သွားချင်မိ၏။ သို့သော် အမှန်တရား
တစ်ခုကို မြသွေး ရင်ဆိုင်လက်ခံလိုက်ရလေသည်။


 “ နင် မြင်ပြီနော် မြသွေး၊ အမြဲခရီးသွားနေတတ်တဲ့ နင့်ချစ်သူက သူ့သားသူမိန်းမနဲ့ပျော်နေတဲ့
အချိန်မှာ နင် ခံစားနေခဲ့ရတာတန်သလား ” 


“ တော်ပါတော့ နှင်းရယ်၊ ဒီကနေဝေးရာကိုထွက်သွားပါရစေတော့ ” 


ကားလေးက တရွေ့ရွေ့နှင့်ပြန်လည်ထွက်ခွာလာသည်အထိ ထိုမြင်ကွင်းကသူမအာရုံထဲကပ်ငြိပါလာ
ခဲ့၏။ သူသည် မြသွေးကို ပိရိသေသပ်စွာပင် လှလှပပလှည့်စားခဲ့သည်။ ပြီးတော့ သူက မြသွေးကို
 အထင်သေးရက်ခဲ့သည်။ မြသွေးကို ကြည့်ပြီး လိုက်လျှင်ရနိုင်သည်ဟု သတ်မှတ်ခဲ့သည်ထင်၏။
သူထင်ခဲ့သလိုလည်း မြသွေး ခဏလေးနှင့် သူ့ကိုတိမ်းညွတ်မိခဲ့ သည်ကိုးလေ။ အတိတ်နေ့ရက်ကို
ပြန်တွေးမိတိုင်း ရှက်ရွံ့ခြင်းကတားဆီးမရလှိမ့်ဝင်လာခဲ့ရသည်။


အိမ်ထောင်ရှင်တစ်ယောက်နှင့်ချစ်မိခဲ့ပါသည့် အဖြစ်ကို ပြန်တွေးမိတိုင်း မြသွေး လိပ်ပြာလန့်မိ၏။
နှလုံးသားကို ဦးစားပေးပြီး ချစ်၍ချစ်ခဲ့သည့် မြသွေး အတွက် ရရှိခဲ့သည့်ဒဏ်ကြေးကများလွန်း
သည်ဟုမထင်မိတော့ပါ။ ပွင့်လင်းလွန်း ခဲ့သည့် မြသွေး၏ အပြစ်လည်းပါခဲ့၏။ ဒီနေ့တော့ မြသွေး
၏မိုက်မဲမှုအတွက် အားရအောင်ငိုလိုက်ဦးမည်။ နောက်ဆို ထိုအတွက် မြသွေး ဘယ်တော့မှငိုမည်
မဟုတ်တော့ပါ။ သူနှင့်တွေ့ခဲ့သည့်အတိတ်နေ့ရက်များသည် မြသွေးအတွက်တစ္ဆေခြောက်သည့်
နေ့ရက်များဖြစ်၏။ နောက်ထပ် တစ္ဆေခြောက်မခံရအောင်သာ မြသွေး သတိထားရပါမည်။


                                                                 ခင်မင်လေးစားစွာဖြင့်

အမှောင်မြစ်ရဲ့ဝဲဂယက်


 (၁)

“ အမယ်လေးဟယ် .. မြို့ကြီးပြကြီးဆိုတာများ တကယ်ကိုအံ့သြစရာကောင်းတာဟဲ့၊ မြင်သမျှတွေ့သမျှ အားလုံး
သဘောကျပဲ ”  


မိချောက သူ့ရှေ့မှာရှိနေတဲ့ ရွာသူ ရွာသားတွေကို မမောနိုင်မပန်းနိုင်အောင် ပြောပြလို့နေတယ်။ မိချောက မနေ့ကမှ မြို့က
ပြန်ရောက်လာတာ။ ဒီတော့ ရွာမှာရှိနေတဲ့ ပျိုပျို အိုအိုလူပေါင်းစုံ မိချောတို့အိမ်ကိုစုပြုံပြီးရောက်လာကြတယ်။ မိချောရဲ့
အမေဒေါ်တင့်ကလည်း ထန်းလျက်ခဲနဲ့ ရေနွေးကြမ်းတွေ ချပေးထားတယ်။ ရွာကလူတွေလည်း ထန်းလျက်ခဲကိုစားရင်း
 မြို့ သူတစ်ယောက်လို လှလှပပဖြစ်လာတဲ့ မိချောကို အားကျသလိုကြည့်နေကြတယ်။ မိချော ပြောပြတဲ့ မြို့ကအတွေ့အကြုံ
 တွေကိုလည်း စိတ်ဝင်တစားနားထောင်နေကြတယ်။ မိချော မြို့ကိုသွားလိုက်တာ ငါးနှစ်တောင်ရှိပြီပဲ။ ငါးနှစ်အတွင်းမှာ
မိချော တစ်ခါမှ ရွာကိုပြန်မလာခဲ့ဘူး။ တစ်လတစ်ခါ အမေ့အတွက် အသုံးစရိတ်တွေပို့ပေးလိုက်တာပဲ။ ငါးနှစ်ပြည့်မှပဲ
ရွာကို ပြန်လာခဲ့တယ်။


“ မြို့က တိုက်ကြီးတွေဆိုရင် အရမ်းလှတာဟဲ့၊ ရေချိုးခန်းဆိုရင်လည်း ဒီအခန်းကြီးလောက်ရှိတာ ”  


“ ဟယ် အကြီးကြီးပဲနော် ”  


“ ဒါတင်ဘယ်ကမလဲဟဲ့ ဧည့်ခန်းထဲက ပရိဘောဂတွေဆိုရင် တဖိတ်ဖိတ်တောက်နေတာပဲ၊ နိုင်ငံခြားကလာတာလေ၊
သိန်းနဲ့ချီပြီးပေးရတာ ”  


“ ဒီခုံထက်လှလား မမချော ”  


ငတူးက သူထိုင်နေတဲ့ ခွေးခြေပုထိုင်ခုံလေးကိုလှမ်းပြတယ်။ မိချော ရယ်ချင်စိတ်ကို မနည်းထိန်းထားရတယ်။ မြို့ကြီး
ပြကြီးနဲ့ဝေးတဲ့ တောရွာဆိုတော့လည်း ဒီလောက်တော့ရှိမှာပေါ့လေ။


“ ဒီလို ခုံမျိုးတွေဆို မြို့ကအမှိုက်ပုံမှာတောင်မရှိဘူး ငတူးရဲ့၊ ပြီးတော့ ခွေးတစ်ကောင်ကောင်ကို သိန်းချီပေးပြီးဝယ်မွေး
ကြတာ ”  


“ ဟင် ဟုတ်လား၊ ဒါဆို ငတူး မွေးထားတဲ့ခွေးလေးမဲဒုံးကို သွားရောင်းရမယ်၊ ဒါဆိုပိုက်ဆံအများကြီးရမှာပေါ့နော် ”  


ငတူး စကားကိုကြားပြီး မိချော ရယ်လိုက်မိတယ်။ မြို့ကလူတွေသာ ငတူးရဲ့ခွေးကိုမြင်ရင် ခြံထဲကိုတောင် အဝင် ခံမှာ
မဟုတ်ဘူး။ ဒါကို ငတူးက မသိ။


“ ဒီလို ခွေးတွေဆို အလကားပေးတာတောင်မယူဘူး ငတူးရဲ့၊ ဟိုခွေးတွေက နိုင်ငံခြားမျိုး သန့်သန့်လေးတွေ ၊ အစာစား
တာတောင် လူတွေထက်ပိုဂရုစိုက်ရသေးတယ်၊ ရေလည်းချိုးပေးရသေးတယ်၊ အိပ်ယာပေါ်မှာလည်း နွေးနွေး ထွေးထွေး
သိပ်ရတယ်၊ နေမကောင်းဖြစ်ရင် ဆေးခန်းလည်းပြရသေးတယ် ”  


“ အားကျလိုက်တာဟယ် ”  


မိချောနဲ့ အနီးဆုံးမှာထိုင်နေတဲ့ တင်တင်က လှမ်းပြောတယ်။ အားကျမယ်ဆိုလည်း အားကျစရာပါပဲ။ ရွာမှာဆို တစ်နေ့
လုံးအလုပ်လုပ်ပြီး ညနေကျမှနားရတာ။ စားရတာကလည်း ငပိရည်နဲ့ တို့စရာ။ ဒီထက်မပို။ ငွေရွှင်တဲ့သူတွေပဲ အသား
 ငါးစားနိုင်ကြတာ။ တစ်နေ့တစ်နေ့ အလုပ်တွေဖိလုပ်ပြီး ဖျားနာလာတော့ ဆေးမြီးတိုလေးတွေနဲ့ပဲပြီးရရှာတာ။ ဒီတော့
မြို့က ခွေးတွေရဲ့ဘဝကပဲ ကံကောင်းသလိုလို။


“ ပြီးတော့ ပြောရဦးမယ်သိလား ၊ အခုမြို့မှာ အင်တာနက်ခေတ်စားနေတယ်ဟဲ့ ”  


“ အင်တာနက်ဆိုတာ အာဒါလွတ်ဥလိုပဲစားကောင်းလားဟင်  ”  


“ ငပိရည်နဲ့ တို့စားရတာပါဟဲ့၊ ဟုတ်တယ်နော် မိချော ”  


အင်တာနက်ကိစ္စက တစ်ယောက်တစ်ပေါက်နဲ့ တော်တော်ကျယ်ပျံ့သွားတယ်။ ပြောလိုက်သမျှလည်း တလွဲတွေချည်း။
ဒီတော့ မိချော အမြန်ဆုံးနည်းနဲ့ ရှင်းပြလိုက်ရတော့တယ်။


“ အင်တာနက်ဆိုတာ စားစရာမဟုတ်ဘူးဟဲ့၊ ကြည့်စရာ၊ အင်တာနက်ထဲကနေ ကမ္ဘာမှာဖြစ်ပြက်နေတာတွေကို သိနိုင်
တယ်ဟဲ့၊ ပြီးတော့ ဖက်ရှင်ဒီဇိုင်းတွေ သတင်းအချက်အလက်တွေလည်းကြည့်လို့ရသေးတယ်၊ တစ်ယောက်နဲ့
တစ်ယောက်အပြန်အလှန် အီးမေးလ် ပို့လို့လည်းရတယ် ”  


“ အီးမေးက နံလားဟင် ”  


မိချော ခွိခနဲ ရယ်လိုက်မိတယ်။ ငတူးဟာလေ .. မန်းလေ ပြဲလေပဲ။ ကြံကြံဖန်ဖန် အီးမေးလ်က နံလားတဲ့။


“ အီးမေးလ်က မနံပါဘူးဟဲ့၊ တစ်ယောက်နဲ့တစ်ယောက် စာပို့ကြတာ  ”  


“ သိပါဘူးလေ ”  


ငတူးက မဲ့တဲ့တဲ့လေးနဲ့ ဆိုရှာတယ်။


“ ငါအလုပ်လုပ်တဲ့အိမ်က မမလေးဆိုရင် နေ့တိုင်းအင်တာနက်ကြည့်တယ်၊ ပြီးတော့ ချက်တင်ထိုင်တာလည်း
အရမ်းစိတ်ဝင်စားဖို့ကောင်းတာပဲ သိလား  ” 


“ ဘယ်လို ချစ်တီး ဟုတ်လား၊ နင်က ချစ်တီးနဲ့ထိုင်တာကို စိတ်ဝင်စားတယ်၊ ငါတော့ ချစ်တီးတွေကိုအရမ်းရွံတာပဲ၊
အဲဒီ ချစ်တီးတွေက တို့လိုလယ်သမားတွေအပေါ်မှာ အနိုင်ကျင့်အမြတ်ထုတ်ကြတာကိုကြားဖူးတယ်သိလား၊ ဒါကို
တောင် နင်က ချစ်တီးနဲ့အတူတူထိုင်နေသေးတယ် .. အံ့ရော ”  


ရုတ်တရက် မကျင်နွဲ့ထပြောလိုက်တဲ့ စကားကြောင့် မိချော မျက်လုံးပြူးသွားရတော့တယ်။


“ မိချော ညည်းမြို့တက်ပြီး ချစ်တီးတွေနဲ့ ထိုင်နေတယ်ပေါ့ ဟုတ်လား ၊ ကဲဟယ် ..”  


အမေ့ရဲ့ လက်က မြန်မှမြန်။ မိချော ခေါင်းကို ခေါက်လိုက်တာများ အီစလံကိုဝေသွားတော့တယ်။ မြို့မှာတွင်ကျယ်နေတဲ့
ချက်တင်ဆိုတာ မိချောတို့ရွာမှာတော့ အထင်လွဲလို့ကောင်းတုန်း။ အထူးအဆန်းဖြစ်နေကြတုန်း။


“ အမေကတို့က စကားကိုမှ ဆုံးအောင်နားမထောင်ကြဘဲ၊ ချက်တင်ထိုင်တယ်ဆိုတာ တစ်ယောက်နဲ့ တစ်ယောက်
အပြန်အလှန်စာနဲ့ဆက်သွယ်ကြတာ ”


“ အဲဒီလိုဆက်သွယ်ရင် ဘာဖြစ်တုံးဟဲ့ ”  


“ ကံကောင်းရင် လင်တောင်ရနိုင်သေးတယ်တဲ့ .. ဟိ၊ အဲဒီလိုဆက်သွယ်ကြပြီး အပြင်မှာကွိသွားကြတာအများကြီး
ရှိတယ် ”  


“ ဟယ် .. တကယ် ”  


မိချောက စပ်ဖြဲဖြဲနဲ့ပြောတော့ တအံ့တသြဖြစ်သွားကြရော။ ရွာကအပျိုကြီးတွေဆို မိချောစကားကို ကြားပြီး စိတ်ဝင်
တစားရှေ့တိုးလာကြတယ်။ အရှေ့မှာနေရာယူထားကြတဲ့ ကလေးတွေက အလိုလိုအနောက်ကိုရောက်သွားတယ်။
အပျိုကြီး တွေက အရှေ့ကိုရောက်လာကြတယ်။ သူတို့လည်း လွတ်ချင်ကျွတ်ချင်ကြတယ်ထင်ပါရဲ့။ 


“ ဟယ် ချစ်တီးက အဲဒီလောက်တောင်စွမ်းလား ”  


“ ချစ်တီးမဟုတ်ပါဘူး မကျင်နွဲ့ရဲ့၊ ချက်တင်ပါဆို ”  


“ အေးဟယ် ထားပါတော့၊ ဆက်ပြောစမ်းပါဦး အဲဒီအကြောင်း ”  


လင်တောင်ရနိုင်တယ်ဆိုတာနဲ့ နှစ်ချို့အပျိုကြီးမကျင်နွဲ့တို့က စိတ်မဝင်စားရှာဘူးပဲ။ နှုတ်ခမ်းလေးထော်ပြီး မျက်လုံး
အပြူးသားနဲ့ကို လှမ်းမေးရှာတယ်။


“ အဲဒီ ချက်တင်ထိုင်ပြီး တစ်ယောက်နဲ့တစ်ယောက်ပြောကြ၊ အပြင်မှာချိန်းကြနဲ့၊ ကွိသွားကြတဲ့သူတွေတောင်
အများကြီးပဲ မကျင်နွဲ့ရဲ့ ”  


“ ဟယ် အံ့သြစရာပဲ၊ ဒီလောက်စွမ်းတဲ့ ချစ်တီးကို တစ်ခါတည်းခေါ်လာခဲ့မှပေါ့ မိချောရယ်၊ ငါ့အိမ်မှာခေါ်ထားမှာ 
ပေါ့၊ နောက်တစ်ခါ နင် မြို့တက်ရင် ငါလည်းလိုက်မယ်ဟဲ့ ”  


“ အင်းပါ သွားရင်ခေါ်သွားပါ့မယ် ”  


“ ငါလည်းလိုက်မယ်နော် မိချော ”  


“ ငါလည်းစာရင်းပေးတယ်ဟဲ့ ”  


“ တို့ကိုလည်းခေါ်ပါဟယ် .. နော်.. ”  


မိချော ခေါင်းညိတ်ရင်း ကျိတ်ပြီးပြုံးလိုက်တယ်။ မိချော လိုချင်တဲ့ အကွက်ထဲကို ရောက်လာကြပြီ။ အစကတည်းက
 မိချော ထင်ပြီးသားပါ။ ရိုးသားနုံအလှတဲ့ တောသူတောင်သွားတွေကို ဘယ်လို ဆွယ်တရားဟောရမယ်ဆိုတာ။


“ ကဲ .. ကဲ ဆူညံမနေကြနဲ့ ၊ မနက်ဖြန်မှ စာရင်းကောက်မယ်၊ လိုက်ချင်တဲ့သူတွေ မနက်ဖြန်စာရင်းလာပေးကြ ..
ဟုတ်ပြီလား ”  


အဲဒီတော့မှ လူအုပ်ကြီးက တရှဲရှဲပြန်သွားလိုက်ကြတာ မိချောတို့အိမ်ကြီး ခြောက်ကပ်ကပ်နဲ့ ကျန်ရစ်ခဲ့ပါရောလား။


(၂)


နောက်တစ်နေ့မနက်ရောက်ပြီဆိုတာနဲ့ မိချောအိမ်ရှေ့ကို ရွာသူအပျိုချောလေးတွေ တဖွဲဖွဲရောက်လာတော့တယ်။
သူတို့ခမျာ မြို့ကြီးပြကြီးကိုသွားချင်ရှာလို့ အိပ်လို့တောင်ပျော်ရဲ့လားမသိဘူး။ ဖြစ်နိုင်ပါတယ်။ မိချောတုန်းကလည်း
 တစ်ည လုံးအိမ်မပျော်အောင်ဖြစ်ခဲ့ရသေးတာပဲလေ။


“ မိချော စာရင်းပေးရတော့မလားဟဲ့ ”  


ခင်ရီက မိချောကိုလှမ်းမေးတယ်။ ခင်ရီဆိုတာ ရွာမှာ မုဆိုးမအမေအိုကိုလုပ်ကျွေးနေတဲ့ သူ။ မိန်းမသားတန်မဲ့ နေပူ
 မရှောင် မိုးရွာမရှောင် အလုပ်လုပ်နေရှာပေမဲ့ သနပ်ခါးပါးကွက်ကျားအောက်က ခင်ရီရဲ့အလှက ထင်ထင်ရှားရှားရှိနေ
ဆဲပဲ။


“ နင်ကမြို့ကိုလိုက်မလို့ဆိုတော့ နင့်အမေကို ဘယ်လိုလုပ်မှာလဲ ခင်ရီရဲ့ ”  


မိချောစကားကြောင့် ခင်ရီ မျက်လုံးလေးတွေမှာ မျက်ရည်တွေစို့တက်လာတယ်။ ပြီးမှ လေသံဖျော့ဖျော့လေးနဲ့ ဆိုရှာ
 တယ်။


“ အမေ့ကို ဒေါ်တီးတီးနဲ့အပ်ခဲ့မှာ၊ ဟိုမှာအလုပ်အဆင်ပြေရင် အမေ့ဆီ ပိုက်ဆံပို့ပေးမှာပေါ့၊ ဒေါ်တီးတီးအတွက်လည်း
 ပို့ပေးမှာပါ ”  


“ ကဲ ထားလိုက်ပါတော့ ၊ နောက်တစ်ယောက်ကရော ”  


“ ငါလိုက်မယ် မိချော ”  


အသားဖြူဖြူဝင်းဝင်းနဲ့ ချစ်စရာကောင်းလှတဲ့ ပန်းနုက အားတက်သရောလှမ်းအော်တယ်။ ပန်းနုက ရွာမှာဆို
တင့်တောင့်တင့်တယ်နေနိုင်တဲ့သူတွေပါ။ အကိုဖြစ်သူရဲ့အုပ်ထိန်းမှုအောက်မှာ မကြောင့်မကျနေနိုင်တဲ့ ပန်းနုက
 မြို့ကို သွားချင်သတဲ့။


“ နင့် အစ်ကိုက ခွင့်ပြုရဲ့လား ”  


“ အစ်ကိုက မသွားရဘူးတဲ့၊ ငါက မသွားခိုင်းရင် ရွာနောက်ကရေကန်ထဲခုန်ချမှာလို့ပြောမှ ခွင့်ပြုတာဟ ”  


ဒီလိုနဲ့ မိချာကိုစာရင်းပေးလိုက်ကြတာ အယောက်သုံးဆယ်လောက်ရှိသွားတော့တယ်။ မိသားစုတွေက ခွင့်ပြုတဲ့
သူ တွေရှိသလို ခွင့်မပြုလို့ နည်းမျိုးစုံသုံးပြီးလိုက်ကြတဲ့သူတွေလည်းရှိတယ်။ မုဆိုးမအမေအိုကို ဆေးကုဖို့အတွက်၊
 ဒုက္ခိတ အဖေ ဆေးကုဖို့အတွက်၊ သားလေး ရှင်ပြုဖို့ ပိုက်ဆံရှာချင်လို့ အကြောင်းပြချက်အမျိုးမျိုးနဲ့ စာရင်းလာ
ပေးကြတယ်။


“ ကဲ ဒီမှာစာရင်းပေးထားတဲ့လူတွေအကုန်လိုက်ကြမှာလား ”  


“ လိုက်မယ် ”  


“ ကောင်းပြီလေ .. ဒါဆိုနင်တို့မြို့မှာဘာလုပ်ရမလဲဆိုတာသိလား ”  


“ ဟင့်အင်း ”  


ရိုးသားနုံအလှတဲ့ ရွာသူလေးတွေကိုကြည့်ပြီး မိချောဝမ်းနည်းသွားမိတယ်။ အလုပ်လုပ်မယ် ပိုက်ဆံရှာမယ်ဆိုတာ
ကလွဲပြီး အန္တရာယ်ဆိုတာကိုကြောက်ရမှန်းမသိကြတဲ့အတွက် ရင်လေးသွားမိတယ်။


“ ဒါဆိုရင် သိအောင်ပြောပြမယ်၊ မြို့မှာ တို့လိုပညာမတတ်တဲ့ တောသူတွေအတွက် အလုပ်ဆိုတာတစ်မျိုးပဲရှိ
တယ်၊ အဲဒီအလုပ်က အိမ်ဖော်အလုပ်ပဲ ”


မိချောရဲ့စကားကြောင့် မြိုကိုသွားချင်ကြတဲ့သူတွေ တခဏတော့ တွေဝေသွားကြတာကိုတွေ့ရတယ်။ နောက်တော့
သက်ပြင်းချသံတွေထွက်လာကြတယ်။ 


“ ဘယ်တတ်နိုင်ပါ့မလဲ မိချောရယ်၊ ရတဲ့အလုပ်ပဲလုပ်ရမှာပေါ့ ”  


ခင်ရီက လှမ်းပြောတယ်။ မုဆိုးမအမေအိုအတွက် ဆေးကုဖို့ငွေလိုနေတဲ့ ခင်ရီက ဘာပဲဖြစ်ဖြစ် အာလုံးလုပ်ဖို့
ဆုံးဖြတ်ထားတဲ့ပုံပေါ်တယ်။


“ ကောင်းပြီလေ၊ ဒါဆို နင်တို့ကို ငါမြို့ကိုသွားတုန်းက ကြုံခဲ့ရတဲ့ အဖြစ်အပျက်တွေပြောပြမယ်၊ အဲဒါကိုနားထောင်
ပြီးမှ နင်တို့ဆုံးဖြတ်ကြပေါ့ ”  


အားလုံးက မိချောရဲ့စကားကို စိတ်ဝင်တစားနားထောင်နေခဲ့ကြတယ်။


“ ငါ မြို့ကို စရောက်တဲ့အချိန်က အရမ်းချမ်းသာတဲ့တိုက်ကြီးထဲမှာ အိမ်ဖော်လုပ်ရတယ်၊ အိမ်ရှင်မိန်းမကြီးက
မောက်မာလှသလို အိမ်ရှင်လူကြီးကလည်း ငါ့ကိုအမဲချောင်းသလိုချောင်းနေခဲ့တယ်၊ ဒါကို အစက ငါမသိခဲ့ဘူး၊
 တစ်နေ့ တော့ အိမ်ရှင်လူကြီးက သူ့မိန်းမ မရှိတဲ့အချိန်မှာ ငါ့အခန်းထဲကို ဝင်လာခဲ့တယ်၊ အဆီပြန်နေတဲ့
မျက်နှာကြီးက ဘီလူး သဘက်လို ကြောက်စရာကြီး၊ ငါလည်းကြောက်ကြောက်နဲ့ အခန်းတောင့်မှာရှိနေတဲ့
သနပ်ခါးတုံးနဲ့ အိမ်ရှင်လူကြီးရဲ့ ခေါင်းကိုရိုက်ခွဲပြီး ပြေးထွက်လာခဲ့တယ်၊ ဒါကြောင့် ငါ့ဘဝရေတိမ်မနစ်ခဲ့ရတာ ” 


မိချောရဲ့စကားကြောင့် နားထောင်နေကြတဲ့သူတွေ လှုပ်လှုပ်ရှားရှားဖြစ်သွားကြတာတော့အမှန်။ သူတို့ရဲ့ ရင်ထဲမှာ
အကြောက်တရားနည်းနည်းတော့ ကိန်းဝပ်နေကြပြီထင်ရဲ့။


 “ ဘယ်လိုလဲ မြို့ကိုသွားချင်ကြသေးလား ”  


“ ဒါကတော့ အိမ်ရှင်မကောင်းလို့ပါ၊ ကောင်းတဲ့ အိမ်ရှင်တွေနဲ့ တွေ့ရင် ဒီလိုမဖြစ်နိုင်ပါဘူး ”  


ဒါက ခင်ရီ နှုတ်ကထွက်လာတဲ့ စကား။ ငွေကြေးအဆင်ပြေမှုဆိုတဲ့အသိတစ်ခုက ခင်ရီရဲ့အကြောက်တရားတွေကို
လွှမ်းမိုးထားတယ်။


“ အိမ်ရှင်မကောင်းလို့ပဲထားလိုက်ပါတော့၊ ကောင်းတဲ့ အိမ်ရှင်တွေအကြောင်းပြောပြမယ်၊ ငါ အဲဒီအိမ်ကနေထွက်
သွားတော့ စိတ်သဘောထားပြည့်ဝတဲ့ မိန်းမကြီးတစ်ယောက်နဲ့တွေ့တယ်၊ ဒုက္ခရောက်နေတဲ့ ငါ့ကို သူ့အိမ်ခေါ်သွား
ခဲ့တယ်၊ ဒီိလိုနဲ့ တစ်နေ့တော့ မိန်းမကြီးဖုန်းပြောနေတာကို ငါကြားခဲ့ရတယ်၊ ငါ့ကို တစ်ဖက်နိုင်ငံပို့ဖို့တဲ့လေ၊ အဲဒီ
မိန်းမကြီးဟာ လူကုန် ကူးတဲ့ မိန်းမ တစ်ယောက်ပဲ၊ ငါတို့လို ရိုးသားနုံအတဲ့တောသူတွေကို တစ်ဖက်နိုင်ငံရောင်း
စားနေတဲ့ မိန်းမကြီးပဲ၊ ဒီအကြောင်း ကိုသိပြီး ငါကြောက်လန့်တကြား ထွက်ပြေးလာခဲ့တယ်၊ ဒါကြောင့် ငါ့ဘဝ
မပျက်ခဲ့တာ ”  


“ ကြောက်စရာကြီးနော် ”


ပန်းနုက ကြောက်လန့်တကြားနဲ့ ဆိုရှာတယ်။


“ ဒီထက်ပိုကြောက်စရာကောင်းတာရှိသေးတယ်၊ ငါတစ်ယောက်တည်းခိုကိုးရာမဲ့နေတုန်း စိတ်သဘောထား
ပြည့်ဝ တဲ့ လင်မယားနှစ်ယောက်နဲ့ ထပ်ဆုံတယ်၊ ဒါပေမယ့် လူတွေကို ငါမယုံတော့ဘူး၊ ရွာကိုပဲ ပြန်ချင်နေခဲ့
တယ်၊ ဒါပေမယ့် ငါ့မှာ ရွာပြန်စရိတ်မရှိလို့ သူတို့ပြောတဲ့ အလုပ်ကိုလက်ခံခဲ့တယ် ”


“ ဘာအလုပ်လဲဟင် မိချော ”


မကျင်နွဲ့က အလျင်စလို ဝင်မေးလိုက်တယ်။


“ ဒီတစ်ခါတော့ ကားတိုက်မှုဖြစ်ပြီး ကိုယ်တစ်ပိုင်းလှုပ်ရှားလို့မရတော့တဲ့ အသက်ခြောက်ဆယ်အရွယ်အဘိုးကြီး
ကို စောင့်ရှောက်ပေးရတဲ့အလုပ်ပေါ့၊ မနက်မိုးလင်းကတည်းက မိုးချုပ်တဲ့အထိ အဘိုးကြီးရဲ့ဝေယျာဝစ္စတွေကို
လုပ်ပေးရတယ်၊ ဒီတစ်ခါလုပ်ရတဲ့အလုပ်က အကောင်းဆုံးအလုပ်ပဲ၊ လစာလည်းများများရသလို သူတို့စား
သလိုစားရတယ်၊ အမေ့ဆီကို လည်း ပိုက်ဆံပို့နိုင်ခဲ့တယ်၊ လစာမဟုတ်ပဲ မုန့်ဖိုးပေးတာတွေကိုလည်း စုထား
နိုင်ခဲ့တယ် ”


“ ကောင်းသားပဲနော်၊ ငါလည်း အဲဒီလိုအလုပ်မျိုးလိုချင်လိုက်တာ ”


ခင်ရီက အားတက်သရောဆိုရှာတယ်။


“ ငါဟာ ဒီအလုပ်မှာပဲမြဲနေခဲ့တယ်၊ ကိုယ်ရဲ့အလုပ်ရှင်အဘိုးကြီးကိုလည်း မိဘလိုပြုစုခဲ့တယ်၊ နေ့တိုင်းလေ့ကျင့်ခန်း
 မှန်မှန်လုပ်ပေးတယ်၊ ဒီလိုနဲ့ နှစ်နှစ်ဆိုတဲ့ အချိန်ကာလမှာ အဘိုးကြီးက တော်တော်ကြီးသက်သာလာတယ်၊ တစ်နေ့
တော့ ငါအိပ်နေတုန်း ခြေသံကြားလို့ ကြည့်လိုက်တော့ ငါ့အခန်းထဲကိုဝင်လာတဲ့ အဘိုးကြီးကိုတွေ့လိုက်တယ်၊ အဘိုး
ကြီးဟာ လူကောင်းအတိုင်းလှုပ်ရှားလို့ရနေခဲ့ပြီ၊ ဒါကို ငါမသိခဲ့ဘူး၊ ဒီတော့ ငါ့ကိုမတရားကြံဖို့ ကြိုးစားနေတဲ့အဘိုးကြီး
ကို အနားမှာရှိ တဲ့ တုတ်နဲ့ရိုက်ပြီး ထွက်ပြေးလာခဲ့တယ်၊ ငါ့မှာ စုထားတဲ့ပိုက်ဆံရှိနေပြီမို့ ရွာကိုချက်ချင်းပြန်လာခဲ့တာပဲ ”


“ ဟယ် .. ယုတ်မာလိုက်တာနော် ”


“ ငါတော့ မြို့ကိုမလိုက်တော့ဘူး ”


“ ငါလည်းမလိုက်တော့ဘူးနော် ”


မိချောရဲ့စကားအဆုံးမှာ မြို့ကိုလိုက်ချင်ကြတဲ့သူတစ်ယောက်မှမရှိကြတော့ဘူး။ မိချော ဝမ်းသာသွားတယ်။ ရိုးသာ
း နုံအလှတဲ့ တောသူတောင်သားတွေရဲ့ အသိဥာဏ်ကို အလင်းပွင့်စေခဲ့ပြီပဲ။


“ အခြေအနေအမျိုးမျိုးကြောင့် စားသောက်ဆိုင်အဆိုတော်ဘဝရောက်ရသူတွေ၊ ရောင်းစားခံရလို့ ဘဝပျက်ခဲ့
တဲ့ သူတွေ အများကြီးရှိတယ်၊ တို့ရွာမှာ ကောက်စိုက်၊ ပဲကောက်၊ ပဲရွေး တဲ့အလုပ်တွေလုပ်တာပဲ အန္တရာယ်
ကင်းကင်း စိတ်သန့်သန့်နေရသေးတယ်၊ မြို့မှာဆို သားကောင်ချောင်းနေတဲ့ မုဆိုးတွေအများကြီးပဲ၊ တို့ရဲ့
ဘိုးဘွားအစဉ်အဆက် လျှောက်လှမ်းခဲ့ကြတဲ့ လမ်းဟောင်းလေးအတိုင်းလျှောက်ကြတာက ငါတို့အတွက်
အန္တရာယ်ကင်းပါတယ် ”


“ ဟုတ်တယ်နော် .. ငါတို့တော့ ရွာမှာပဲ လုပ်ကိုင်စားသောက်တော့မယ် ”


“ ဟုတ်တယ် .. တို့ရွာမှာပဲ ဘေးကင်းကင်းနဲ့ လုပ်ကိုင်စားတော့မယ်၊ လမ်းသစ်ဖောက်မိလို့ မိချောတောင်
ဘဝပျက် တော့မလိုဖြစ်ခဲ့ရသေးတာပဲ ”


 “ သွားတော့မယ် မိချော၊ မြို့ကိုမလိုက်တော့ဘူး၊ ရွာမှာပဲ ကောက်စိုက်၊ ပျိုးနှုတ်၊ ပဲကောက် လုပ်တော့မယ်၊
ဒါက အန္တရာယ် ကင်းတယ်ဟ ”


လမ်းဟောင်းလေးအတိုင်းလျှောက်ကြဖို့ ထွက်သွားတဲ့သူတွေ မျက်စိရှေ့က ပျောက်ကွယ်သွားတဲ့အထိ မိချော
 ကြည့်နေမိတယ်။ မိချောရဲ့ မျက်ဝန်းထဲမှာတော့ ကြည်နူးမျက်ရည်လေးဝဲခိုလို့။ တကယ်ဆို မြို့မှာ မိချော
အန္တရာယ်မကြုံ ခဲ့ပါ။ ဒါပေမဲ့ ဒီလိုအန္တရာယ်တွေ တကယ်ရှိတယ်ဆိုတာတော့ မိချော သိခဲ့ရတယ်။
လစဉ်ထုတ်မှုခင်းဂျာနယ်တွေမှာ မရိုးနိုင်အောင်ဖြစ်ပွားနေတဲ့မှုခင်းသတင်းတွေက ဝေဆာလို့။ မိချောတို့လို့
တောသူတောင်သားတွေဆိုတာ မလည်မဝယ်နဲ့။ မြို့ရောက်လို့ မုဆိုးတွေနဲ့မတွေ့ဘူးလို့ပြောနိုင်လား။
မိချောအလုပ်လုပ်ရတဲ့အိမ်ရှင်က အရမ်းချမ်းသာတဲ့အဘွားကြီးနဲ့ မိချော အရွယ်မိန်းကလေးတစ်ယောက်ပါ။
 စိတ်လည်းအရမ်းကောင်းလှသူပါ။ မိချော ကံကောင်းလို့ သခင်ကောင်းနဲ့တွေ့ခဲ့တာ။ မရိုးနိုင်တဲ့မှုခင်းသတင်း
တွေကြားလာ တော့ မိချော မနေနိုင်တော့ဘူး။ လမ်းသစ်ဖောက်လာတဲ့သူတွေ အန္တရာယ်တွေ့မှာကို မိချော
မလိုလားဘူး။ ဒါကြောင့် အဆင်ပြေနေတဲ့အလုပ်တစ်ခုကိုစွန့်လွှန့်ပြီး မိချောရွာပြန်လာခဲ့တာ။


ခေတ်ရဲ့ဝဲဂယက်မှာ ကိုယ့်ရပ်ကိုယ့်ရွာထက် နယ်ခြားမြို့ခြားကိုအထင်ကြီးလာတတ်ကြတာ။ ရလိုမှုတစ်ခု
အတွက် စွှန့်စားခဲ့ပေမယ့် ရေတိမ်နစ်ခဲ့ရတဲ့ရောင်စုံဘဝတွေကနေရာအနှံ့ပျံ့ကြဲနေတယ်ဆိုတာ သိသူထက်
မသိသူကများလွန်းလှ တယ်။ မိချော မြို့ကနေဝယ်လာခဲ့တဲ့ မှုခင်းဂျာနယ်တွေ၊ ရသစာပေတွေကို ရွာက
လူတွေကိုအလှည့်ကျပေးဖတ်မယ်လို့ မိချော ဆုံးဖြတ်ထားတယ်။ တောသူတောင်သားတွေရဲ့ဦးနှောက်မှာ
 အသိပညာဗဟုသုတတွေ နေမင်းကြီးလိုမလင်းနိုင်ရင် တောင်မှ ကြယ်ကလေးတွေလောက်တော့လင်းနိုင်
အောင် မိချော ကြိုးစားရမယ်။ မိချောအတွက်အချိန်အတိုင်းအတာတစ်ခုပဲ လိုတယ်။ အချိန်အတိုင်းတာ
တစ်ခုကိုကျော်လွန်ခဲ့ရင် အမှောင်မြစ်ရဲ့ဝဲဂယက်ထဲမှာနစ်တဲ့လူတွေ နည်းသထက်နည်းလာမယ် လို့ မိချော
 ယုံကြည်မိတယ်။


                                                                           ခင်မင်လေးစားစွာဖြင့်

Twitter Delicious Facebook Digg Stumbleupon Favorites More